福岛核污水｜10都县水产禁来港　K Kwong1原因指无影响：咪同我争

日本政府今日 （24日）起将核污水排放入大海，港府宣布同日启动进口管制措施，禁止日本10个都县的水产进口香港，消息引起社会关注。化学博士K Kwong（邝士山）亦发文讲述个人看法，明言进口禁令对他“无乜影响”，皆因他“一向好少喺香港食日本嘢”，但他称短期内将会到日本游玩及进食水产，笑称：“我会飞去日本食！唔好同我争！”

港府昨日（23日）正式刊宪，扩大食物安全命令现有输入和供应限制措施，凡源自日本东京、福岛、茨城、宫城、千叶、群马、栃木、新潟、 长野和埼玉十个都∕县，并在2023年8月24日或之后收获、制造、加工或包装的活生、冷冻、冷藏、干制或以其他方式保存的水产、海盐，以及未经加工或经加工的海藻，一律禁止输入香港和在香港境内供应。

化学博士K Kwong（邝士山）昨日在facebook专页发文，讲述对“食日本嘢”的个人看法，明言个人不支持港府推出禁进口令，“唔支持禁，揾嘢嚟做”，但禁令对他“无乜影响”，因他一向较少在港进食日本料理，“因为贵过日本好多，亦冇咁新鲜”。他又指，短期内将到日本游玩，届时亦不会避忌进食当地水产，笑称“我会飞去日本食！唔好同我争！”。

K Kwong续指，相信国际原子能协会的监测工作及数据，不担心日本排放福岛核污水，“因为浓度低”，但他认同日本东海有地震风险，“所以积埋咁多污水唔系好事，我惊佢啲核污水未排晒就再一次‘东海大地震’，咁就一次过乜Q未处理过嘅污水就排晒落海，全球渔业真正大镬”。

他又提醒，即使日本排放核污水，农产品亦不受影响，“海嘅水系上唔到陆地灌溉系统嘅”，强调绝非因“自己唔怕死”才发表如此言论，“我个孙都食日本生果㖞”。面对网民质疑“如果啲水冇事点解你唔攞嚟饮？”，K Kwong爆笑解话，“系经过海水稀释咗嘅水无事，即浓度低到冇影响，但系我唔会饮海水。尿都冇事我都唔会攞尿嚟饮㖞！”。

帖文引来网民讨论，笑言K Kwong帖文重点清晰，“帮你做咗个总结：唔好同我争”、“呢啲辛苦嘢嚟，唔好同我争，我帮你顶”、“唔好同我争，今年要去返3、4次日本”、“我肯定系同你争嘅其中一个，今年内我最少会再去两次”。

不过也有网民认为，是否进食日本水产属个人选择，毋须受他人意见影响，“政府先禁10都县嘅食物系正常做法，唔好为反而反”、“嗌咁多做乜？觉得无问题就去日本，觉得有问题就唔好去”、“信唔信每个人有佢地嘅自由”。

食物及环境卫生咨询委员会主席梁美仪早前表示，香港食安把关好，港人毋须过份担心，但提醒市民要注意均衡饮食，而三类较高风险水产应减少进食，包括蓝鳍吞拿等大鱼、蚌类等贝类产品及比目鱼等在海洋底层附近生活的底栖性鱼类。