列江湖乘客6大特征　的士司机赞真性情：愈嚟愈钟意接载江湖人士

的士司机每日都会遇上各种各样的乘客，有司机近日于网上发文表示，“愈嚟愈钟意接载啲江湖人士”，皆因有6大共同特征，包括路线随意、不计较车资、会给贴士等，令他愈来愈喜欢去上海街、砵兰街或佐敦尖沙咀一带偶遇豪爽的“江湖”客，“因为我觉得呢啲先系真性情真汉子”。

该司机于facebook群组“的士司机资讯网 Taxi”发文问，“有无师兄同我一样，愈嚟愈钟意接载啲江湖人士，我所讲嘅唔系啲最低级无礼貌嘅死𡃁仔𡃁妹，而系𠮶种客客气，江湖味甚浓嘅高级会员或头目”，他认为这类人都有6大共同特征。

司机列举特征，指出“路线任你行”，最重要是不塞车及快；不喜欢慢车，愈快愈好；很多都会顺便送朋友或女友回家，“完全唔计较条数”；下车一定会给贴士；虽粗声粗气，但对人很有礼貌；“只要你捉到佢哋有兴趣闹嘅嘢，佢哋全程车都好奔放咁丧闹，想停都停唔到”。

司机直言，越来越喜欢去上海街、砵兰街或佐敦尖沙咀一带“遇下佢哋”，“因为我觉得呢啲先系真性情真汉子”，与对面海“金钟上罗便臣道都要出单，又要找足，又要怀疑你行错路嘅高贵斯文败类比”，两种乘客真的有很大分别。他又说，作为的士司机并不会理会乘客做什么职业，只会在意乘客是否疏爽及爽快，“就算权贵又如何，同样都系$27蚊起表”。

网民留言指出，“仗义每多屠狗辈，负心多是读书人”、“真系大哥，食完饮完都有司机或有马仔护送，根本就唔坐的士”、“最X街系𠮶啲自以为受过高等教育，有少少钱的所谓中产，呢啲又唔系人又唔系鬼！”。

有其他的士司机分享类似经历，“冰山一角，你未遇过拦车头，凶神恶煞，‘送我大哥过海’，真人真事”、“我都试过，尖东上车倾到入上水，落车5嚿免找”、“我净系车过疑似道友赶住返去上电，劲惊佢顶唔顺然后杀咗我”。

有网民表示接载到“江湖”乘客未必是好事，“风光时就系咁！落难时可能全身血”、“上海街上客，好大机会变成快餐车（毒品车）”、“江湖大佬饮大咗，有冇醒两巴掌畀你呀”。