每只$2000！港男重酬寻公仔诉说心酸故事　网民安慰：祝你揾得齐

有些物品之所以珍贵，并非在于本身价格，而是背后代表的意义及回忆。有港男于连登讨论区发文，贴出1张放满公仔相片，表示希望寻回相中旧公仔，更不介意出价每只2,000元。他表示公仔是已过世妹妹遗物，承载着兄妹之间种种回忆，惟早前母亲不慎丢弃，因而希望寻回以纪念妹妹。不少网民得知楼主故事也送上安慰，有人祝福他成功购回所有同款公仔，亦有人鼓励他放下过去，带着回忆迎接新生活。

“征图中任何一只公仔，每只$2000。”该港男于连登讨论区发文，表示不介意出高价，只希望购回多只旧款公仔。从他上载的相片可见，1张睡床旁边放满多款不同毛公仔，数量约有30只，大部份为动物款式，井井有条放于床褥与墙壁之间空隙，相信用作陪伴公仔主人休息。

港男指，妹妹于10年前与世长辞，相中公仔为她的遗物，亦记载了兄妹相处回忆，“细个时会拎佢哋嚟教妹妹做功课同埋氹佢，亦成日同妹妹一齐讲啲公仔嘅嘢，佢哋每一只都有自己嘅名同埋性格，喺我同妹妹心目中，佢哋唔系公仔，而系动物”。

妹妹离世后，港男将公仔放到其床边，“望住佢哋时就会谂返起我同妹妹嘅开心回忆”，不过他指妈妈一直觉得公仔已经太旧，且妨碍换床单，曾提出要丢弃，他于是以黑色胶袋装起公仔收藏，每当挂念妹妹时便会取出睹物思人。

直至上个月，港男再次拿出公仔时，发现其中十多只竟不翼而飞，“妈妈就话可能佢几个月前拎妹妹啲旧衫去丢时唔小心丢埋啲公仔”。事件令他非常难过又自责，“自此我就一直好抑郁，好嬲妈妈点解咁唔小心，妈妈同我道歉咗几次，我原谅咗佢，但一谂起唔见咗啲公仔，就觉得好伤心、好对唔住妹妹”。

刚巧早前他于手机中找回妹妹公仔相片，便决定要尝试购回或找公仔制作，因而发文希望网民帮忙，“其实我而家已经揾咗手作舖头整佢哋出嚟，但预计只会系九成相似，如果有人有一模一样嘅话，我想要一模一样”。

不少网民得知公仔背后故事也纷纷留言安慰港男，提供不同方法希望他能尽快寻回公仔，“可以直接同店倾下，唔满意可唔可以直接到工场睇，2000蚊只嘅容错率应该都好高，整到啱为止”、“楼主咁有心，祝你揾得齐”、“如果用钱可以弥补到心入边嘅遗憾，都未尝唔系好事，起码楼主尽过力内心好过啲，唔使成世有条刺”。

亦有网民鼓励港男把握机会放下过去，带着妹妹留下的回忆迎接新生活“好明白你心情，但有时放低下都好，你妹妹都唔会想你出唔到嚟”、“只要你记得你阿妹，就唔会因为冇咗啲公仔而抹去咗你阿妹，如果啲公仔真系令你好有好似你阿妹仲陪住你嘅感觉，有1、2只就够”。不过港男表示难以断舍离，“我都好想放低，但真系唔系咁易。希望我可以快啲整返啲公仔出嚟，咁我就可以重过新生活”。