屯门同性情侣拖手散步　阿叔斥“核突”仲想出手　暖心街坊齐安慰

爱不应被任何条件或世俗眼光规限！有港男大呻疑被歧视的经历，称日前与男友手拖手沿屯门河步行回家，期间遭1名中年大叔当面大声斥责“核突”，他不甘被辱于是回骂反击，没料大叔竟情绪激动，一度作势出手，事主与男友只好急急离开避免争执。他事后直言难以理解大叔的动机，又担心事件或男友心情，不少屯门街坊看过帖文也纷纷留言安慰，劝他与男友毋须介意，“做返自己就可以”。

“唔系搏同情，唔系搏出位。”该名港男于facebook群组向街坊大诉突遭恶言对待的经历，称周六（5日）晚上11时许，他下班后与男友沿友爱邨旁的屯门河步行回家，“佢接我收工，陪我行友爱河𠮶边返屋企啦，我哋一直全程都系拖住手”。

散步中途两人遇到1对年约50至60岁的中年夫妇，大叔见他们拖手时，突然大声批评，“只系行过咋，佢哋两个眼碌碌望住我哋就讲：‘哗，两个𡃁仔拖住手咁核突嘅！’”。男友为免争执，着楼主“行快啲唔好理”，惟大叔愈骂愈大声，楼主忍无可忍怒骂反击，“我就好躁咁讲咗句‘你咁大个人管我地做咩？而家我哋拍拖好失礼你咩？你又唔系我边个’”。

没想到大叔闻言情绪激动，继续指骂两人“就系因为个世界有你哋呢啲咁嘅人，所以搞到个香港咁样！”。身体不适的男友曾想回骂，但这时大叔未有理会妻子劝阻，突然作势动手，“我企到衡一衡，佢仲冲埋嚟揼我，唔知做乜鬼，即时俾人扯走咗”，而楼主则带同男友急急离开现场。

楼主形容“呢件事发生得好短暂，5分钟都冇”，直言自己只是与伴侣散步回家，却无故遭到攻击，慨叹：“我只系想知道，其实男同男拍拖真系咁失礼咩？我哋系好恩爱，亦都系好好嘅朋友，只系唔明点解啲人要用呢啲咁嘅睇法，去睇我哋呢个圈子……”他又担心事件或影响男友心情，“我男朋友比较细，我系怕佢唔开心”、“我都系想做自己，只系怕另一半佢对呢个世界失望、有阴影”。

不少屯门街坊看过帖文，纷纷替楼主及男友感不值，狠斥涉事大叔多管闲事，又质疑其行为已构成歧视，“啲阿伯觉得成个世界系围住佢转，佢觉得啱就啱，唔啱就唔啱”、“我明白佢哋系俾再上一代的封建思想薰陶下才会这样，但不应指责或出口伤人”。

亦有人向楼主及男友送上祝福，安慰他们可放心享受恋爱，“唔好唔开心，亦唔需要理世俗眼光，人生短短几十年，最紧要自己开心就得㗎喇”、“支持你哋嘅恋情，能够相爱并互相扶持系好难得嘅事，感恩你哋可以揾到彼此”。而楼主其后亦留言感谢网民关心，“感激你哋，屯门友好有爱”。