揭发老公日日倒晒爱心饭盒唔食　人妻嬲爆：辛苦煮畀佢却浪费食物

一番心意不被珍惜，“系人都嬲”！有人妻于讨论区发文大呻，早前老公开口要求想带住家饭回公司吃，由于老公不喜欢吃隔夜饭菜，故她每日都会特意煮新鲜饭菜。日前她发现老公明明与同事外出吃饭，却将空饭盒带回家，她察觉有异，连续试探老公2天并揭穿说谎，老公解释近日不想再带饭，但又不知如何开口，故每天都偷偷倒掉。人妻气愤道：“真系好嬲，辛辛苦苦煮畀佢，唔想带一早出声咪算，做咩要咁样浪费食物？”

该人妻于香港讨论区以“发现老公倒咗我整畀佢嘅饭盒”为题发文表示，她平日都会带饭上班，老公不喜欢吃隔夜饭菜，故习惯与同事外出吃饭。早前老公开口要求想带饭，叫她帮忙煮饭盒，故她每日都会特意煮新鲜饭菜。起初老公每日都不会洗饭盒，但近日却会自行清洗后带回家，她还以为“老公咁乖，食完会自己顺手洗饭盒”。

惟一个人突然“转死性”，总是有古怪。人妻指出，老公有位同事份属朋友，她日前看到该同事Instagram限时动态，老公与同事们外出吃饭，“谂住好小事，我有时都会出去同同事（食饭），第二日先食返个饭”，但当晚老公照样拿了个洗好的饭盒回家，令她察觉有异。

人妻试探问饭盒是否好吃，老公回答“一般，太淡味”，她即时察觉老公没有吃到饭盒，因盒内有蒸肉饼，“平时佢最钟意就系蒸肉饼，跟足奶奶咁煮好难淡味”。翌日，人妻再试探问饭盒的麻婆豆腐是否好吃，老公回答好吃，要求下周再煮，人妻内心激动道“又系讲大话，明明𠮶日就系炒粉丝！”。

人妻忍不住当场揭穿老公大话，质问“个饭盒畀咗边个食”。她当时脑中有很多画面“系咪畀咗清洁姐姐食？定系畀咗后生靓女同事食，我竟然帮我老公沟女？”。怎料老公认错道，“对唔住呀，我而家又唔想带饭，想出街食，我又唔知点开口叫你唔使再整饭盒畀我，所以我每日偷偷地倒咗。我冇畀人食㗎！你煮饭净系得我可以食，宁愿倒咗佢我都冇益人㗎！”。

人妻无言指，“真系好嘥嘢！知唔知而家买𩠌几贵？为咗佢一句唔钟意食隔夜𩠌，我要特别分开煮畀佢，结果佢每日就系拎返去倒！”，而且还一眼也没看过就倒。人妻又补充道，“老公话佢觉得倒完个饭盒再拎返嚟畀我洗，佢有少少唔好意思，所以佢倒完自己帮我洗咗个饭盒”，她无奈揶揄“真sweet”。

不少网民都替人妻感不值，认为老公浪费了一番心机，“一个爱心饭盒都呃来呃去，就睇出老公心里已经没有爱”、“唔想带饭直接讲咪好，浪费食物”、“咁无衣食都得嘅”、“连望都冇望过系啲咩，真心嬲”、“唔好再煮畀佢食，浪费金钱心机换来一肚气”、“咁你叫佢以后食自己啦”。

有网民甚至质疑老公说谎有古怪，“老公再唔食老婆爱心饭盒，明显变了心，系咪有第二个女人煮嘢畀佢食”、“可能食晏时间同咗个女出去食快餐，咪冇时间食你个饭盒啰，如果无嘢都唔会对住你讲大话啦”、“唔信啰，分明请咗人食，食完𠮶个人洗返个盒，先畀返佢”。

也有网民认为楼主厨艺不精，老公又不敢说出来，“唔好食，强迫老公食的结果”、“楼主，使唔使检讨一下，你自己嘅厨艺呢？”，另有网民提点楼主应与老公多沟通，“你老公都系唔想hurt你啫，其实，两公婆应该多啲沟通嘅”、“楼主，会否考虑下揾婚姻辅导，看看能否促进跟丈夫沟通？”。

楼主回复网民留言指出，“真系好嬲，辛辛苦苦煮畀佢，唔想带一早出声咪算，做咩要咁样浪费食物？”，又浪费金钱，虽然自知“唔系煮得话十分好食”，但“至少未去到要倒挂”，亦宁愿老公将饭盒给同事吃，“我都觉得冇咁浪费”。现时老公明言不想带饭，她“仲开心”，因不用分开煮新鲜饭菜，“煮饭又要洗嘢鬼死咁攰！”。楼主亦提到，老公不太想与她沟通，“返到屋企佢宁愿打机，同佢班friend语音打机，都唔想同我倾计”。