呃秤？杨屋道街市海鲜档卖虾　连水入袋磅　港女要求倒水遭咁对待

去街市买海鲜当然想买到生猛又足秤的靓货！有网民称上周一（7月17日）8号风球信号取消后，便到荃湾杨屋道街市买𩠌，其间于1个海鲜档打算购买新鲜虾，不过她留意到店员将虾连水一同“铲晒入袋”秤重，于是开声要求对方倒水重新磅重。没料店员竟突然发难，不但凶恶地盯住楼主，更将虾倒回盘中，其后更明言拒卖，令她相当气愤。不少网民看过帖文也同情楼主经历，更有街坊认出涉事店舖，称也曾有其他人有不愉快经历。

该网民发文大呻买海鲜的不快经历，称上周三（19日）趁台风“泰利”遂渐远离本港、天文台“落波”取消8号风球信号后，便驾车到荃湾杨屋道街市“即兴望下有无海鲜抵食”。她指当日“得几档有开”，行经其中一档时打算购入标价每斤45元的新鲜虾，“同阿姐讲秤1斤”。

楼主形容，店员“好用力咁连虾带水铲晒入袋即刻秤重，目测袋入面最少三分一系水”，她顿时发现“唔对路”，便开声要求对方“应该倒一倒水再秤”。没料店员“阿姐”竟发难，“牛咁大对眼恶狠狠”盯着楼主，再将所有虾倒回盆中，“好唔客气咁同我讲：‘无得拣，系唔倒水吖！’”。

楼主当下虽感不满，仍平静回应称“我无拣，妳𢳂咁多水入去，应该倒返出嚟再秤”。这时有其他客人行经档口，“阿姐”顾着招呼客人，楼主遂站于旁边等候，以为对方会再次为她秤虾，但阿姐见状却继续恶言相向，甚至拒绝与她交易，直斥：“做咩啊？无啊！唔卖吖！”

无故遭受恶待的楼主未有与“阿姐”当场对骂，而且立即到其他鱼档选购海鲜，“我系黑面过佢，所以佢唔敢发火。我去后面档买完2斤虾返去再影相，企正喺面前影，佢哋互相望，但唔敢出声”。她事后狠批涉事鱼档做生意不老实，“卖得平，唔代表可以无限揾客笨。合理的，几贵都值得；不合理的，几平都唔会留得住个客。第一次帮衬，可能阿姐好生意过头，多个我呢啲‘cheap’客唔多，少个更好极”。

网民看过帖文也同情楼主遭遇，“喺香港消费要睇面色，香港没落了”、“拍住片，连水照买，再拎去公正磅度倒水秤，秤完报食环。用$45，告佢唔入，烦佢都好”。

亦有街坊分享在该店购买海鲜的经历，“我都试过俾佢倒返啲虾出嚟唔卖，佢𢳂啲虾入袋话只只生猛，我屋企人喺侧边讲咗一句，咁多只都死嘅，佢即刻上晒头，好恶咁倒返晒出嚟”、“打边炉买过贝类一次，半袋水嚟，以后唔帮衬”、“呢间嘢俾人投诉过好多次啦，都唔明点解仲可以生存到”。