泳滩叼烟男不满救生员嗌咪禁吸烟　爆闹1分钟：你叫班伙记过嚟！

天气热人都躁？有浅水湾泳客日前分享影片，指有男泳客准备点烟时，暸望台上救生员开咪呼吁“请勿在沙滩吸烟”，男泳客即时扯火，叼着香烟走近暸望台连环开火爆闹足足1分钟，强调自己未点燃香烟，在法例上无问题，“你叫班伙记过嚟，睇住我，过嚟呀！几多个，5个、10个定3个？”，救生员想打圆场，他还继续大叫“做咩呀，笠水呀、惊呀、淆底呀”，闹人后见对方未积极回应，他才返回女伴身边并把香烟收回烟盒内。网民纷纷指叼烟男的行为“小学鸡”、“Ｘ到爆”，又揶揄他“连凯婷都坏唔过”。

楼主在facebook群组“香港啤酒关注组”发文，分享在浅水湾泳滩遇到男泳客被救生员劝阻后闹人的影片，“有条‘勇士’系沙滩想食烟（准备点）”，救生员马上开咪嗌“请勿在沙滩吸烟”，“勇士就开始上火，表演斋含唔点烟”。之后叼着香烟走近暸望台大骂救生员，认为对方多事。

影片所见，男泳客口含着香烟走近沙滩暸望台，开口大叫“喂，你话班伙记喺边呀？”，口中香烟掉落沙滩上，“哎呀，Ｘ，跌Ｘ咗添”，他执起香烟再放回口中，再大嗌“嚟嚟嚟嚟，伙记喺边？即系喺法例上面呢，我唔点支烟系冇问题嘅，你叫班伙记过嚟，睇住我，过嚟呀！几多个，5个、10个定3个？”。

不过口含香烟难以大声流畅说话，男子只好拿下香烟转成手持，行前两步再问“喂，唔系呀师傅，我真系有存疑，喂，老友记咁大声讲啦，嗌咪啦”。暸望台上有救生员想打圆场，说：“得啦，OK喇。”男子再反驳：“我唔系呀，我同佢讲呀（手指向另一救生员），喂老友，你呀，大声公啊嘛，咁臭寸啊嘛，我唔讲粗口，我等你讲，揾伙记嚟招呼我，1个仲有冇。”

救生员未有回应，男子再说：“做咩呀，笠水呀、惊呀、淆底呀，我话你啦。”男子再走近瞭望台和另1名人对话，收音效果受影响，他疑指责救生员说话没礼貌，“唔系咁样讲嘢嘛”、“行过嚟啰，跑过嚟啰”，有名救生员走近了解，之后男子走回女伴身边，将香烟放回烟盒内。

楼主揶揄躁男，“局住扮冷静中带点傲气又好似想好型其实Ｘ咗”地走开，“快啲点烟啦，等你呀！”，她强调吸烟无问题，“问题重点在于佢戆XX”。

影片引起热议，有网民指泳滩周围都是小朋友，“出面又唔系唔俾你食，onＸＸＸ，利申：今朝游完都系出返去食”、“好讨厌这些自私的人，仲觉得自己啱哂，其实Ｘ到爆”、“佢肯定唔系第一支，所以先有人叫咪出声”。不少人又耻笑他闹人举动，“咁鬼小学鸡行为”、“连凯婷都坏唔过，都系快啲冲身返归啦”。

有网民转述当时情况，指“实情系呢条契Ｘ点咗第一支烟，之后畀我哋同事（救生员）见到叫佢唔好食，佢好有型咁掉咗落沙滩，跟住我同事叫佢执番”，男子之后死死地气去执回香烟，返回坐下想点第二支烟，“我同事就即刻爆咪，话佢叫佢唔好食，跟住就有咁嘅故事嘞”。

《吸烟（公众卫生）条例》（第371章）第3条及附表2规定， 部份室外的公众地方都已经列为法定禁烟区，当中包括︰自动扶手电梯、公众游乐场地、泳 滩的水域及沙地、烧烤场及公众泳池的水域，行人通道，跳水板及观众看台。任何人不得在指定禁烟区吸烟或携带燃著的香烟、雪茄或烟斗，违者定额罚款1,500元 。

（综合）