移民加拿大后必遇4大困难　连登仔吁请三思　提醒“带多啲钱”

本港近期其中一个热门话题莫过于移民，不少人讨论是去是留，近日有前往加拿大的港人在“连登讨论区”撰文，分析加拿大生活的弊端，物价高、租楼贵、求职难，而且申请信用卡获批机会低，即使成功申请，信用额度偏少，奉劝大家前往加拿大“带多啲钱”。帖文得到不少网民认同，纷纷留言指“储返啲钱先好去，否则租楼揾工都头痕死”、“唔好咁多幻想啦，你新移民嚟，真系要比，一定系土生土长嘅地方易啲”。

楼主在“连登讨论区”以“移民加拿大前请三思 你一定会面对嘅事”为题撰文，先交代自己前往多伦多，目前逗留3个星期，从事IT行业，指出当地物价高昂，当中电话费每月50加元，大约300港元，上网费用每月56加元左右，经折算后为336港元，而且“出街食嘢贵”，晚餐连税13%再加至少10%贴士，大约20加元，折算120港元。

楼主更形容租楼又难又贵，“同一间屋好易有3个人睇啱，咁你就要同人抢…𠵱家多数人都系出1年租，之后会开始出贵多50加元、100加元”，“有啲靓楼就指定加拿大人做担保人，仲要必须提供担保人信贷报告同收入来源证明，呢边冇亲人就唔好谂”，而且“租盘清得好快，基本上好嘅租盘放咗出嚟2至3日都一定租得出”，“加上𠵱家只有旧楼先会全包水、热、电，新楼多数只系包一样，有啲衰到车位同储物柜（用嚟装车軚，好大乜都可以塞入去）都唔包”，楼主头两个星期住地库，“唔好住，你见唔到太阳同个景差好远…租地库𠵱家都开始贵”。

求职方面，楼主指“最低工资工种都会拣人，呢边因为好多人都揾工，所以好易炒人，华人超市成日炒人，所以唔使话咩嚟做最低工资工种一定有人请”，而且“多数工作都系需要朋友介绍”，所以在加印度人“成日推介朋友”从事服务行业或者保安工作，港人没有优势。

楼主甚至大呻“啱啱嚟开信用卡好难，因为当地银行见你新移民，好难批你信用卡，一系就好低，信用额度2000至3000加元（约1.2万至1.8万港元）”。

面对种种困难，楼主指出“暂时换咗30万港元，够晒，租屋、家私同买车用得多钱，其他问题不大”，但“点解咁难我都要嚟？因为有得拣好过冇得拣，支持你哋过嚟同人抢工”，提醒有心过来加拿大的港人“带多啲钱，10万港元都过嚟唔系唔得，你只系机票钱过嚟都得，只能讲加油啰”。

帖文得到不少网民认同，纷纷留言指“储返啲钱先好去，否则租楼揾工都头痕死，唔好浪漫主义”、“真，楼主讲𠮶啲全部都系钱问题”、“唔好咁多幻想啦，你新移民嚟，真系要比，一定系土生土长嘅地方易啲”、“唔储钱唔计划好就走，咁佢出事都系抵死”。

（连登讨论区）