港铁让座争议！阿婆出狠招逼让座予孙儿　港女被逼走　网民斥无品

“出芧招”逼人让座，可耻！有港女于网上发文大呻，乘搭港铁时，坐在旁边的婆婆双腿“愈擘愈开，愈坐愈过”，还用袋顶着她，坐在婆婆腿上年约7、8岁的男童“又系咁郁”，坐得不舒服的她最终被迫走，将座位让给男童，但她心有不甘，直言“应该同阿婆斗擘髀！”。

该港女于facebook群组“上水人大联盟”发文表示，日前乘搭港铁时，有一家四口包括婆婆、妈妈、一对子女上车，婆婆甫上车就坐在她身旁，随后妈妈吩咐年约7、8岁的儿子坐在婆婆双腿上，怎料“佢（婆婆）两条髀愈擘愈开，愈坐愈过！仲攞个袋顶住我，个𡃁仔又系咁郁！”。

港女不断缩起身体，又望着该妈妈，但妈妈只是看一看婆婆和儿子，就再无任何行动。港女坐得不舒服下，最终屈服退让，站起来说：“畀埋你哋坐喇！”惟站起来后，她心有不甘地想到“今次蠢咗，应该同阿婆斗擘髀！”。

有网民留言斥责一家四口，“无文化，无教养，真的好难顶”、“品呢样嘢唔系人人都有，冇品嘅人系厚面皮，佢就系要令到妳顶唔顺”，有网民指出“小心俾人话你唔同情老人家”，又劝楼主放开点，“佢唔成家摄晒落嚟算系咁，你起身畀佢坐，唔会多谢你，下次唔好啦”、“算啦，唔好计较咁多啦”。

有网民直言，“起身就输咗”、“你腍善无计，你睇佢老母眼神几咁凶狠”，又指出不应认输，“摆明想逼走你，你走就中咗佢招啦，呢啲我唔会走，佢逼过啲我会出声叫佢坐返好”、“我唔会起身，碰到我会话佢”、“呢啲情况，我会选择狂咳”。

有网民分享经历表示，“我遇过个师奶坐我隔篱擘到对手劲大，我同佢斗擘，呢啲人唔让得”、“我见到有个𡃁仔约8岁，一入车厢，立即瞓喺凳，霸位畀佢亲人，劲呢！”。