遭男同事斥唔喂人奶：我老婆喂到仔返学　港妈咁反击令对方无声出

作为妈妈都想将最好的给孩子，无论喂母乳还是奶粉，妈妈们都是按自身情况决定，他人无权指责和干预。有港妈于网上发文批评“人奶狂热分子”，指出早前放完产假后回公司上班，有位男同事听到她喂了人奶半个月就放弃，转喂奶粉后，出言不逊指斥她“攰你都要喂㗎”，又炫燿称自己老婆“喂到个仔返学”。港妈不忿男同事将照顾初生婴儿一事想得很轻松，反驳指男同事一定是将照顾婴儿责任全交给老婆，“自己去风流快活”，最后成功令男同事“无声出”败走。

该港妈投稿至facebook专页“生仔要考牌系列”指出，自上年放完产假后，回到公司上班都有很多同事关心她，惟有位男同事的言论却令她想“兜巴车X佢”。当时有些女同事好奇问她是喂人奶还是奶粉，她回答喂了人奶半个月就“顶唔顺”，要转喂奶粉。

港妈解释，生产完后整个身体都很虚弱和发烧，“泵奶又唔够奶，又做唔到两个钟埋身一次，总之成个人攰到熄咗机，甚至系会听唔到BB喊”，虽然日间聘请了陪月帮忙，但即使早上有时间睡觉，晚上依然“攰到死咁滞”，最终老公也要请1个月事假帮忙。

港妈表示，有位男同事听到她的解释后指出，“攰你都要喂㗎，人奶对BB有益呀。你都可以照半夜起身俾佢啜㗎，咁其实你可以一路俾佢啜一路瞓觉㗎，你坐喺张床可以唔郁㗎，叫你老公换片再抱个仔俾你啰，你使鬼郁咩？”。最令人气愤的是，男同事炫燿道“我老婆呀，喂到个仔返学呀，学嘢啦！”。

港妈被激怒，“火遮眼”反驳：“你老婆做到唔代表其他人做到，就算佢做到唔代表佢觉得轻松，佢只系冇同你呻。鬼唔知喂人奶好呀？”她再重申生产完后很虚弱，完全起不到身，而且顺产要剪会阴，“坐又坐唔到，瞓又瞓唔到，仲叫我全晚坐喺度佢有佢啜我有我瞓？你估凑仔好易呀？”。

港妈续斥，“你作为男人你明啲咩？眼见到表面嘅嘢就以为系事实，睇你个X款肯定系由X得老婆凑，自己就乜X都唔理，总之老婆搞得掂就可以咩都唔使理，自己去风流快活，我有冇讲中呀？”，最终气得男同事静默离开。

港妈指出，奶粉BB都可以很健康，她与老公曾两度感染新冠肺炎，儿子依然没事，现时已一岁多，都没看过医生。她认为，“其实不论饮人奶定奶粉都系会病㗎啦，喂唔到就系喂唔到，你传教逼人都冇用”。

网民纷纷留言赞赏港妈绝妙的反击，并说“加油”勉励，“畀10个赞楼主”、“佢最后闹个男同事𠮶句一定中到连空隙都无”、“喺自己能力范围之内，畀到最好嘅小朋友就已经系最好，加油”、“post主闹得好啊，呢啲不顾他人感受嘅人真系俾人闹得少，好在你有反击。养育之路真系唔容易，加油啊”。

不少网民斥责男同事自私和毫无同理心，“呢啲男人五行欠闹”、“男人老狗， 参与啲女同事喂人奶话题，唔尴尬咩？”、“咁大个人一啲同理心都冇，做佢老婆真心惨”、“做𠮶个又唔系佢，仲可以咁厚面皮拎出嚟讲”、“针唔拮到肉唔知痛系列”、“唔太关生仔有无牌事，而系做男人无考牌”、“人蠢无得医，一边瞓一边俾个bb啜其实好危险”。

有其他港妈分享照顾婴儿经验，指出喂奶并非易事，“初生bb就算埋身食都无可能瞓住喂，起码都要挨到4至5个月，而且只系唔使坐起身咁耐，唔代表唔使扫风／其他嘢”、“唔系个个都master到躺喂，我只试过一次，即刻有啲位啜唔清而起硬块同塞奶，之后就唔敢了”、“奶粉又唔系毒药！我第一胎就系喂人奶搞到有产后抑郁！之后都系全奶粉健康快乐，最紧要系妈妈情绪好，如果唔系点照顾小朋友”。