食自助餐一次拎走三分一个忌廉蛋糕！网民批肉酸自私　港男咁回应

食自助餐当然希望食到喜欢的食物“回本”，有港男于facebook发文分享，指到尖沙咀一酒店食自助餐时，一次取走三分一个忌廉蛋糕并大赞“抵食”。帖文引来网民讨论，有人批评港男行为自私又肉酸，令其他食客失去选择，但亦有人认为只要不浪费食物就无问题。港男则留言回应，表示取蛋糕时附近并无其他食客，认为去自助餐选择心爱食物并无问题，他又指酒店之后换上另一款蛋糕，若没有及早拿取便连吃的机会也没有。

该港男于facebook群组发文，与网民分享到尖沙咀一酒店食自助餐经历，指当日选择了沙律吧半自助餐，形容“差唔多过零礼拜就嚟一次”。他见到酒店提供原个忌廉蛋糕，出于“回本”心态，一次便切了三分一个取回座位，同时取了1杯咖啡，“出面个鲜忌廉蛋糕，酒店出面小酒吧位卖成两嚿几水一个，我起码攞咗佢三分一，杯咖啡买40蚊，所以觉得喺度食沙律吧半自助餐系好抵食”。

楼主于帖文指，半自助餐价钱为每位“落楼价143元”，估计他拿取的三分一个蛋糕“都值$70蚊”，加上约值40元的咖啡以及小量沙律和中汤，取一次食物便近乎“回本”。他后来再贴出相片，表示忌廉蛋糕被食客全部取走后，酒店已换上其他款式小蛋糕，因此更庆幸一开始便拿了大份，“可以现场即时报告畀你听，已经冇咗啦，转咗第二啲小蛋糕，好彩头先攞咗三分一个鲜忌廉”。

帖文引来网民讨论，有人批评楼主一次拿了三分一个蛋糕的举动自私兼肉酸，嘲讽他“拎𠮶下你唔尴尬𠮶下劲，仲要吞埋落肚，食buffet食到拎命博食得嘅”，亦有机会令其他食客失去选择机会，“如果食得晒成个系咪成个攞走？好心啦，分开几次攞唔得咩？”、“如果系我见到你拎走我想食嘅嘢，可能我会当众爆粗啰，根本系酒店见到你专登唔出原个蛋糕，呢啲咪叫累人累物啰”。

不过也有网民认为，自助餐并无限制食客取用食物份量，而且楼主有食完三分一个蛋糕，没有浪费食物，“有畀钱食多啲无问题㖞！如果限量又唔想人一次拎咁多，就叫人排队每次畀一细份，拎咗记得食晒咪得啰”、“我觉得能吃得完就好，自助餐也不是每个东西都会去吃呀”。

面对网民批评，楼主多次留言回应，解释指取食物时并无其他食客在附近，因此不存在阻碍他人的问题，“如果大家都排紧队攞嘅，就真系好肉酸，更加唔好一个人攞晒，但系我攞紧𠮶阵时，周围都冇人”，又认为“如果酒店咁惊攞个蛋糕出嚟会蚀底嘅，咁不如一早唔好攞啦”。

他续指，人人口味不同，自己选择专攻甜品，与其他食客主攻海鲜性质一样，“我选择咗攞甜品为主，冻海鲜我冇攞，好多人都攞冻海鲜，各自喜欢啫，系唔系？有人批评我攞咁多蛋糕其他人冇得食，我想问有阵时自助餐一开始条蒸鱼已经攞晒，咁我系咪要怪攞蒸鱼嘅人？食自助餐唔搏老命咁食，咁不如食套餐算喇”。