公平咩？不满女同事M到休息　港男超狂1句掀男女骂战：男人唔会明

【职场热话】女生饱受月经之苦，男生明白多少？有港男于网上投稿大呻，指女同事每次一句“M（月经）到”，就会伏在台上说“下午要休息”，工作则留给他处理，让他不满问：“公平咩？”
然而帖文引来男女网民“世界大战”，有女网民认为男人不明白女性月经辛苦之处，“我以前试过M痛到头晕眼花+呕，你哋啲男人又点会明女人之苦”、“人哋唔舒服肯返工已经好好”、“你试下做女人体验下啰！”，并建议公司应增设“月经假”；但有男网民反驳“身体差，自己攞sick leave（病假）扣人工啰”、“系要体谅，但唔应该要同事做埋自己工作”、“我做埋妳𠮶份，妳系咪分返𠮶几日粮畀我先？唔好输打赢要好唔好？”。

该港男打工仔向facebook专页“奴工处”投稿，指其女同事“一句M到，就伏喺台度话下午要休息，乜都系我做”，而且每个月“总有2、3日系咁”，质疑：“公平咩？”

帖文随即引来男女网民骂战。有女网民批评男人不明白女性月经辛苦之处，“有啲女人身体本身差，M到系可以辛苦足四，五日㗎，同埋你估人地好想咁㗎”、“我以前试过M痛到头晕眼花+呕，你哋啲男人又点会明女人之苦”、“人哋唔舒服肯返工已经好好，男人系唔会明突如其来嘅唔舒服系点，不过睇到楼主份人大概点”、“你试下做女人体验下啰！”，

不过有男网民反驳，“系要体谅、但唔应该要同事做埋自己工作”、“身体差，自己攞sick leave扣人工啰”、“身体质素都系工作能力之一，冇能力咪扣人工。自己出住粮，嘢就人哋做，人哋更加唔想”、“痛咪请假啰，明明系唔想蚀畀公司，都可以讲到要人体谅”、“我做埋妳𠮶份，妳系咪分返𠮶几日粮畀我先？唔好输打赢要好唔好？”。

另有女网民认为公司应增设“月经假”，方便女性应对生理期不适，“其实公司应该要有月经假，咁女同事就可以好好休息，而家被迫返工，就算佢唔休息照工作，效率都系差”、“只要公司有生理假就可以解决问题”。有男网民反问“咁系咪按比例扣人工呀？”、“原来攞到特权就为之公平”，惟有女网民表示，“你要咁公平就去一间全男人公司做嘢，扣唔扣钱关你X事？”、“啲人隔个钟去烟break又点计？”。