【不懂撒娇的女人】专访唐诗咏：演技大跃进 全靠两位大师
近日剧集《不同撒娇的女人》成为城中热话，最瞩目的一对萤幕情侣要数Saving（王浩信饰）和Cherry（唐诗咏饰）。唐诗咏被网民热捧演技进步，原来跟她演译方法有关。博客游大东访问了唐诗咏，她讲述演技大跃进全靠两个人。《香港01》获得作者授权，转载唐诗咏的专访。
唐诗咏在无线首出4K全实景剧集《不懂撒娇的女人》饰演宣萱（凌敏）堂妹凌禹勤（Cherry），演技令人眼前一亮，看了头几集数场戏，经已察觉到在电视画面出现的，是我从来没在其他无线剧集中见识过的唐诗咏，无论表情、眼神，甚至举止，自然得来，惹人怜爱，加上她与王浩信这对情侣在戏中占极重戏份，前者扮演Saving演得够放，反过来带动前者饰演Cherry时更加入戏，更加顺眼，前所未见，仿如有高人为她打通任督二脉，释放潜能，演技终于大跃进。真有此事吗？Natalie对此直认不讳：“今次我尝试用一个新嘅演绎方法！”听罢更感好奇，谁人能够令她开窍？由她亲自向各位分享吧。
Q1：今次拍呢套剧，辛苦吗？答：好辛苦，时间比以往长很多，我哋亦都要习惯新的拍摄方式。而且今次我尝试用一个新嘅演绎方法，不过大家可能未必会感觉到。Q2：拍摄时间长好多，系因为要迁就实景？我都知道，如果系实景，每次转换拍摄角度，镜头摆位、灯光都要郁过晒，而拍4K又要用新器材……答：对吖，所以今次系一个新尝试，咁如果出嚟反应唔好，以后就未必可以再用呢个新嘅拍摄方式。
Q3：你刚才讲到，你今次用咗新嘅演绎方法，可以讲吓系咩呢？我谂好多读者都想知，咁样对佢地了解你的演译时会更加理解。
答：你觉得我今次有一个很大嘅进步，很大程度，我觉得系因为我嘅戏剧老师甄咏蓓，佢帮我释放咗一啲嘢出嚟。系学习嘅过程中，佢亦都令到我明白自己内心一啲好美好嘅嘢，可能以前我觉得系一啲缺点，而佢会话畀我听，系一啲好靓嘅嘢，同一时间亦都畀咗一啲信心我。
我其实唔系好识去讲，点样为之系一个新嘅演绎方法，好似讲到好抽象咁。可能我跟咗老师上堂，喺果过程入面，我谂我自己系有一啲得着，佢令到我好多嘅触觉都变得好敏锐，所以我今次拍摄《不懂撒娇的女人》嘅时候系特别攰，系因为我好Sensitive，因为我好feel到每一个人喺度做紧啲乜嘢，我好容易会感受得到。
今次好多时候大家都会去设计一个角色，我不嬲都无去做呢一件事，可能系因为无任何戏剧嘅基础啦，我都系一个一路做戏，一路去学，呢十几年来，我一直都系咁样，我又冇上过堂，咁所以变左每一套剧我都系上紧堂咁样，之前自己又唔系好够叻啦，如果用呢一个方法，可能好多时候未必可以好表达到𠮶件事，宜家大个咗，经历多咗，加上老师就帮我，所以就会有唔同。
我觉得系因为我嘅戏剧老师甄咏蓓，佢帮我释放咗一啲嘢出嚟。
Q4：甄咏蓓点样去令你“开窍”？有冇例子？ 你自己觉得同之前比较，你有咩唔同？答：佢又未必系用“开窍”呢个字。
我跟佢学戏之前，我去咗佢嘅老师Philippe Gaulier度上堂（Philippe Gaulier是詹瑞文的师傅），上咗一个好短暂嘅课程，咁佢地都系坚持住一样嘢就系，每一个人都系好Beautiful嘅，就系你要点样去揾到你嘅Beautiful呢？我谂佢哋令我睇嘢嘅观点有啲唔同，上堂嘅时候，佢哋透过好多唔同嘅练习，将我变番一个最简单、最冇嘢谂，好似一个小朋友咁样，我唔知你有冇听过，啲人成日都话小朋友做戏其实系最叻嘅，因为佢哋好简单，你畀啲咩野佢呢，佢地会即刻接收咗，会畀一个反应你。
我哋大人呢，就复杂好多喇，佢地中间嘅过程会谂太多嘢，然而已经忘记咗个初衷，咁我透过呢啲练习，好似揾番我自己咁样，再一次去了解我自己，边啲嘢令到我好开心，边啲野会令我好愤怒，我听见啲乜嘢会有啲乜嘢反应呢？Q5：点解会开始跟甄咏蓓老师学演戏？答：其实系因为那时候咁啱放假，然后就有个机会，可以去马来西亚去跟Philippe Gaulier上堂，佢每年暑假，有四、五个月呢会离开法国，去其他地方上堂嘅，咁我果阵时就系去马来西亚，系一个好短期，一个礼拜嘅课程，咁啱𠮶阵时，Olivia（甄咏蓓洋名）就去咗探望呢位老师，那时候林嘉欣也在场，咁我就同佢地倾咗一啲偈，好简单既对话，有一种好…嗯…佢好似睇到我一啲野咁样啰，然后因为果堂课实在太深奥喇，所以令到我一直都有一个……觉得好似打唔开个结，因为我又冇办法即刻去法国上堂啦，返到黎之后，就去了跟Olivia上堂。
我去咗佢嘅老师Philippe Gaulier度上堂（Philippe Gaulier是詹瑞文的师傅），上咗一个好短暂嘅课程，咁佢地都系坚持住一样嘢就系，每一个人都系好Beautiful嘅，就系你要点样去揾到你嘅Beautiful呢？
Q6：你仲会想飞去法国跟Philippe Gaulier上堂？答：上次返到香港之后，我已经好想即刻跟佢去法国上堂，但系因为未有呢个机会，但呢个会系一个我好想完成嘅一件事，因为佢真系很厉害，有一双能穿透别人内心嘅眼睛，对我嚟讲，呢次系一个奇妙旅程。Q7：虽然你觉得演《不懂撒娇》好攰，但呢套剧算唔算系你从影十几年来你自己暂时最满意的作品呢？答：都系我最满意嘅作品，我满意嘅系因为整个团队啰，所有幕后嘅人，化妆、发型、服装、编剧、编审，Camera man、导演，所有人嘅心态，大家都系为住同一件事去努力，大家嘅𠮶团火，系令我觉得拍呢套剧时候就算好攰，都仍然会好想去做嘅一件事。
【 基本资料 】法国戏剧大师、表演大师Philippe Gaulier：1943年在巴黎出世，1967年于法国知名演艺学府L'École Internationale de Théâtre Jacques Lecoq毕业，1971至1980年间曾在母校执教鞭十年，1980年成立自己的国际戏剧学校，每年有来自世界各地的学生就读。
Philippe Gaulier以严厉教学见称，但也同时以独特的幽默感，让学生不断在挫败中，继续带著勇气站在台上，积极尝试，寻找自己的方式，找到创作表演的愉悦，显现演员真正的美丽，找到表演的自由。其学生遍及世界，詹瑞文外，还包括香港电影金像影帝黄秋生、奥斯卡最佳女主角爱玛汤逊（Emma Thompson），《魔街理发师》女主角海伦娜宝咸卡特（Helena Bonham Carter）。
资料来源：verachc.blogspot.hk、苹果日报
原文作者游大东为资深传媒人，曾在电台、电视、杂志和网媒等平台任记者和编辑，热爱看电视节目，亦是Facebook专页游大东【鸿鹄志－影视笔记】版主。