乘客call出租车要求8折　备注栏写“1句”激嬲司机　网民嘲：慢慢等

乘客透过应用程式召出租车要求85折很常见，近日就有出租车司机发现有乘客“大想头”地希望司机提供8折优惠，更表示“唔系8折唔好打嚟”。楼主觉得对方口吻嚣张，于是便将订单照片放上网。
虽然有网民认为“明买明卖”，“唔钟意咪唔接啰”、“个客可以咁要求，你可以唔接”，但较多人对乘客的要求感到不满，批评对方是“西客”，“想揾着数仲咁寸嘴，慢慢等啦”、“好想打爆佢电话话唔接”、“司机大哥要揾食，高擡贵手啦”。

该网民在facebook群组“出租车司机资讯网 Taxi”上传图片，根据手机显示画面应为网上预约平台，有乘客想从牛头角前往赤𫚭角港珠澳大桥旅检大楼，并寻找愿提供车资8折优惠的司机，备注栏更写上“唔系8折唔好打嚟”。楼主发帖讽刺对方“叻仔”，又表示“要人收8折仲要咁寸”。

帖文引起网民热议，群组中不少司机对乘客的要求感到生气，又批评对方是“西客”，“一铺平极都三旧，仲要呃出租车佬几十蚊”、“打去，讲‘唔接’”、“85折唔够，仲要8折、7折，好快出现埋5折，玩X完”。也有人对于接单的司机感到“怒其不争”，“280打8折，有数，大把人肯接”、“肯X定有人接，唔系点会有咁多呢啲仆X客”、“有啲咁嘅乘客，就因为系有咁嘅司机”，“你哋有所不知，真系有行家试过打畀个折头客，问佢畀正价得唔得”。

（出租车司机资讯网 Taxi）