公审外佣用厨房搞到似打仗　雇主反遭网民批评：本身已太乱似战场

批评别人前要先懂得自省！有雇主于网上发文大呻，每次吃完饭家中外佣都将厨房弄得像打仗般，明明她已先尽量弄干净碗碟才交给外佣去洗，还为对方买了部洗碗机，但仍是十分凌乱。帖文一出，雇主却“围炉”失败，不少网民反指她有责任先收拾好厨房杂物，腾出空间让外佣使用，“我见到你个厨房真系唔知点开工，完全无位！”、“你本身都有问题啦，厨房啲嘢咁多你都唔去理下，啲责任下下都推畀人哋，间屋系你㗎，唔系个姐姐㗎”、“建议执执个厨房先，清走啲杂物，你会清楚边啲可以留低，最好自己执，唔好靠姐姐，有啲嘢佢唔敢帮你掉，最后又系放返喺度”。

该雇主于facebook群组“外佣雇主必看新闻讯息”发文贴出3张照片，可见到厨房洗手盆中堆满未洗的碗碟和煲，台面位置堆满各种各样的杂物，酱油、刀、杯等，还有多部电器，包括洗碗机、电饭煲、即热饮水机、蒸焗炉，环境十分凌乱，完全看不到有剩余空间。

雇主批评外佣将厨房弄得凌乱，“每日食完饭好似打仗咁，已经系有帮佢手抹干净啲碟，叠好先畀佢收入厨房去洗，仲要有洗碗机可以用”。她指出，洗碗机是为了外佣而买，并非她想买，原本预计每餐吃完饭就用洗碗机洗碗碟，但外佣却喜欢“将午餐𠮶啲都留埋夜晚先洗”。她又不满外佣洗碗速度十分缓慢，“我都好期待佢洗完𠮶刻，不过系由夜晚9点期待到凌晨2点先见到厨房个样”。

雇主强调，自己已先做好收纳，“系个姐姐钟意摊晒岀嚟，讲咗好多次都系唔肯收埋啲嘢先”，又说“其实用下个脑谂下就会知点样执整齐”。

不过网民一面倒认为雇主未做好收纳和堆放太多杂物，“你所指嘅收纳做好系咪可以将图中大部份嘅物件都放返晒入柜先，如果唔系嘅话，你𠮶啲唔系收纳，系执埋一边／执埋一堆”、“你厨房真系太多嘢啦，好乱，完全无位放嘅？”、“你个厨房太乱了，本身已经系一个战场”、“你学下断舍离和收纳先话人啦”、“乱到个炉头都见唔到”。

有网民揶揄，“另一面睇，姐姐仲可煮到𩠌都算劲”、“你呢几张相片救咗外佣一命，如果净系你啲文字，啲谷友一定闹到个外佣体无完肤”、“见到咁多人X楼主我就放心，唔怪得之楼主要匿名”。

不少网民建议楼主买层架做收纳，教导外佣边煮食边洗碗等，令厨房变得更干净企理，“买啲挂墙层架放杂物用品，向高空发展，无乜用嘅收起先！”、“洗碗机咁细部冇乜用，又阻住晒，手洗仲快”、“好多部电器，买时要谂下自己厨房够唔够空间容纳”、“梗系啦，煮完饭先一次过洗，又煲又镬咁梗系咁多嘢啦，边煮边洗咪得啰”、“点样放嘢系雇主安排，姐姐只系会放回原位，你都冇原位可言，叫姐姐点执？你自己执一次，放整齐，影幅相，同姐姐讲啲嘢要点放回”。