母亲节丨后生仔邻居亲送朱古力　港男话阿妈劲冧：佢钟意人多过我

【母亲节2023】天下间母亲也希望获得乖仔乖女孝顺，有港男发文表示，妈妈自小便非常爱惜邻居儿子，因对方读书成绩好又样貌标致，甚至不时将他与对方比较。适逢母亲节，楼主指该名年轻邻居特意向妈妈送上一盒朱古力作为礼物，形容妈妈“收到劲冧”，又劝他要效法对方，令楼主开玩笑大呻：“有时觉得阿妈钟意佢仲多过钟意我。”

该名港男于讨论区发文“抱怨”，指妈妈自少便常常将他与邻居儿子比较，不时大赞邻居儿子“读书好叻，生得又靓仔”，劝他效法对方，“话我点解唔可以学下人哋读书咁叻”。他更指妈妈非常爱惜邻居儿子，“有时隔篱屋唔得闲照顾个仔，佢仲会叫佢个仔嚟我屋企一齐食饭”，令他不禁大叹：“有时觉得阿妈钟意佢仲多过钟意我。”

适逢母亲节，楼主指邻居儿子上周“㩒我屋企门钟”，向妈妈送上1盒朱古力，“话系送畀佢嘅母亲节礼物”。他指妈妈收礼“劲冧”，更借机向他炫耀，“叫我睇下隔篱屋个仔对佢几好，仲问我有冇准备咩嘢畀佢”。

原本楼主已买了银包作为礼物，又打算带妈妈“食餐好”，不过看到妈妈再次将他与人比较，也难免感到不是味儿，只好开玩笑抱怨一番，“虽然我都好多谢隔篱屋个仔对我阿妈咁好，但系阿妈又要用佢同我比较啦”。他称并非妒忌邻居儿子，更替妈妈收礼感高兴，“我有戥佢开心㗎，朱古力我都食咗几粒，但其实真系唔明点解啲阿妈都咁钟意攞其他人嚟同自己嘅仔女比较”。

网民看过帖文也安慰楼主，指有人一同孝顺妈妈并非坏事，不用介怀妈妈的话，“你阿妈一定对佢好好”、“人哋个仔有幻想空间，你同佢做到相同嘅嘢，佢只会钟意人哋多啲”、“大部份嘅父母都系咁㗎嘞，有朝一日你做人哋嘅父母𠮶阵，唔好犯呢个错喇”。亦有人建议楼主“反击”，认为礼貌上他应要回礼，“你送返盒朱古力畀佢阿妈，等佢阿妈又哦下佢”、“要送返礼物畀佢阿妈，当回礼，知冇？”。