餐厅堂食烧味饭$55　街坊呻贵外卖咁多列3宗罪斥呃人　1关键惹议

平日外卖单点的烧味饭，堂食竟然贵咁多？有长沙湾街坊发文，指平日经常到区内一餐厅买外卖，日前有空堂食，发现平日外卖单点30多元的烧味双并饭，堂食变55元，即时询问收银员，对方称堂食一定是套餐价。楼主要求改外卖被拒绝，例出餐厅3件事不当，包括待应无提及套餐问题、落漏饮品及更拒绝让她转外卖，“我系老顾客都照呃”，扬言不会再光顾。然而，不少网民认为餐厅堂食较贵很合理，更上传餐牌，显示堂食只有套餐价，并无单点，事件属睇漏眼“咁无乜好嘈”，但职员的确是落漏饮品，可以追单但难称作“呃”。

楼主在facebook群组“长沙湾街坊”发文，指每天都会到长沙湾一间餐厅买外卖，她日前早下班选择堂食，落单后一看帐单，发现银码和平时大有出入，肥叉烧及烧肉双并饭要价55元。她大呻平日叫外卖单点双拼烧味饭只是30多元，于是去询问收银员，“佢哋话堂食做唔到𠮶个价，我睇返Menu，$55系餐，包嘢饮同汤，但落单完全无讲”。

她马上要求转外卖，“佢就夹硬话出咗餐，话堂食嘅烧肉唔同外卖嘅烧肉？？我心谂系噏乜”。经一轮扰攘后，“死都唔肯畀我改外卖。算！呢次会系最后一次”。楼主续指，她每星期都会到该餐厅买外卖烧味饭和每天吃早餐，落单时待应未说明堂食一定要收套餐价，“我唔系钱嘅关系，系我系老顾客都照呃”，并上传堂食及外卖的照片，“事实系外卖仲多啲肉…我日日帮衬所以我先咁激气”。

部份网民直言，外卖平、堂食较贵完全合理，“香港租金贵，叹冷气仲要坐埋，对吗？”，又指堂食食品正常会靓过外卖，“要食平嘢，当然要带眼睇价钱。自己入餐厅叫食物唔睇menu，都仲可以话人错，有质素！”、“啲人一投诉不成立时，就会话人哋态度唔好了”。有人上传餐牌，写明烧味双并55元，例汤送完即止，各款餐配咖啡或茶，冻饮加3元等，“无单叫，堂食要跟餐饮，咁就无乜好嘈，畀佢转人情唔畀转道理，只怪佢自己唔睇”。

楼主反驳众网民，“睇字啦PX，单叫系$3X，佢收我$55，但冇帮我落嘢饮”，“佢收我套餐钱然后冇畀嘢饮”，她事后再补点饮品，喝完马上离开，批评套餐只是多杯饮品但收多近20蚊，“你会唔会加廿蚊为杯嘢饮先老实讲”。有留言支持楼主，指堂食和外卖价钱差多过25%的确难以服人。

不少人认为职员的确是落漏单，但楼主亦睇漏眼，“打和啦”，待应落漏单亦可以追单，“但不可能坐在餐厅内落单却叫人畀返你外卖价，人哋唔转单就话人呃你”、“衰在个态度者，不过又真系好小事冇存在呃唔呃”。

（facebook群组“长沙湾街坊”）