单亲爸斥小一儿子成绩差　“分尸”米奇惩罚　遭炮轰后发文咁解释

教育小朋友不容易，单亲照顾更有难度。有单亲港爸日前于网上分享育儿法，他不满就读小一的儿子写英文字“求其”、“肉酸”，而且成绩欠佳，测验考试不及格很低分。他曾多番警告儿子要用功读书，否则会剪烂其中一只米奇老鼠公仔，眼见儿子毫无改进，他付诸行动将米奇撕烂“分尸”，再将公仔身体各部位贴在儿子房门警示。
港爸举动惹起争议，网民纷纷直斥“好恐怖，吓佢一次成世阴影”、“太偏激了”。

港爸及后知悉被网民一面倒批评，于是删除帖文，再发第二则帖文解释举动，撕烂公仔是经过深思熟虑，纯属爱子心切，不过仍被网民继续批评，“个仔小一，你期望佢识时间管理同自律自发温书？”、“首帖永远都系最真实，之后帖更多帖去东拉西扯咁去解释，其实都只不过系掩饰”。

有单亲家长近日投稿到facebook专页“生仔要考牌系列”，他早前加入了fb某香港单亲组织，但有位群组管理员经常发负能量帖文，日前更发了则恐怖帖文，在群组内引起争议。

该群组管理员为1名单亲港爸，他于惹议帖文内提到，晚上吩咐儿子自行温习英文默书生字，“写下练下默下”，随后他检查时，却发现“每个生字求其写几个仲要好肉酸（我要每个生字写一页），仲要话唔识串唔识默”。

港爸表示曾多番警告儿子要用功读书，否则会剪烂其中一只米奇老鼠公仔，“（儿子）次次都话畀次机会／畀最后一次机会”。他有晚忍无可忍，一怒之下撕烂其中一只米奇，“今次我就撕烂一只畀佢睇下（喊到佢死），我话下次你再系咁，会撕烂你最钟意、BB陪到依家𠮶只！你睇吓下次会有边只公仔贴喺房门口…”。港爸说：“我系好惜佢好宠佢，但品德同学习我系好严格。”

从港爸上载的照片可见，他儿子曾将该只米奇其抱紧胸前合照，现时被港爸“分尸”，头、身、手和脚被撕开，露出内里棉花，港爸还用胶袋包着“尸骸”贴在儿子房门口。

帖文惹来网民批评，直言会造成儿子童年阴影和伤害自尊，“咁样威胁嘅手法去教小朋友唔系咁好，咁样可能会演变成佢嘅童年阴影”、“依个方法虽然可以短时间见效，但长久仔会缺乏安全感，变得越来越懦弱、自卑”。

投稿者说，港爸做法“对小朋友嘅心理创伤阴影都咪话唔大”，又指“群组成员见状就出于好心提点，但管理员依旧冥顽不灵觉得自己无错”。

撕米奇港爸知悉被网民一面倒批评后删除帖文，再发第二则帖文解释。他指出儿子测验成绩很差，“啲分系撞答案返嚟，唔系识”，考试成绩更差，不懂读和理解中英文词语，“唔系要佢好叻，只希望基本嘅要识，佢程度只有K2，依家唔迫下佢，佢唔会上心，只会继续一路差，更加差”。他甚至担心儿子无法升读小二，“升到又点样可以追返啲程度？只会越嚟越多唔识唔明”。

港爸续指，学校安排每逢周一、三、五让儿子上功课辅导班，周二、四儿子会在校外补习，学校各科老师、补习老师、社工、驻校社工一直与他沟通，研究用不同方法帮助其儿子，“未见过佢啲功课，未教过佢，冇人会联想到佢学习方面有几差”。

港爸解释，“我整烂（公仔）前衡量过，因为我清楚乜嘢对佢最重要，佢心爱嘅一定唔可以整烂，佢会嬲我一世、记我一世、憎我一世，整烂呢只佢从来唔玩知道唔会伤害到佢，亦唔会有任何负面影响到佢，只系畀个警告佢，佢喊因为惊我整烂佢最钟意𠮶只公仔，唔系因为整烂呢只对佢无关痛痒嘅公仔，佢喊完食咗饭好似乜都冇发生过继续玩”。

港爸坦言旁人看起来他只是在找借口，但强调“冇人会做一啲伤害小朋友嘅事”，他认为教不同小朋友要用不用方法，“旁人唔会知我用几多时间、耐性、心机同精神教佢，亦唔会知我因为教佢喊咗几多次，我喊因为我心痛个仔，我唔知点样先可以帮到佢，我唔系要佢好好成绩，只系希望佢合格，成绩普通都唔紧要，最重要系佢真系可以有基本要识嘅程度”。

网民听完解释后继续批评，“个仔小一你期望佢识时间管理同自律自发温书？如果小朋友懒嘅话，我会觉得系家长责任，但既然作为爸爸要负起呢个责任，必需要先管理好自己情绪，再改变自己习惯”、“个仔成绩差都唔系冇理由，我冇恶意，不过趁个仔仲细，帮佢订立时间表，准备教材，珍惜教育嘅时间，总好过你上嚟围炉”。