港妈放假与囝囝亲子乐　奶奶次次坚持同行仲咁做　网民教1招阻止

和孩子的独处时间弥足珍贵，母子之间还要容下奶奶？有港妈发文抱怨，她无论和儿子安排任何活动，奶奶都坚持跟着，连朋友聚会都不放过，而且奶奶非常爱管人，“佢做咗我个角色，阿仔要听佢话”，且对孙儿的态度很差，一起外出总是不愉快收场。网民无奈道如果楼主无力搬走，只有靠丈夫反映，或者坚决摊牌，有人提出“黑暗兵法”，教港妈辛苦自己令奶奶知难而退。

楼主在亲子王国讨论区发文，抱怨和儿子出街玩，奶奶“次次都join（参与）埋一齐”，她难得放假会安排节目亲子乐，“但奶奶又黐到实一实”，回家已经日日对住奶奶，希望保留和儿子的私人空间。若有奶奶同行，就会习惯指点一切，“下下都受奶奶管制，佢做咗我个角色，阿仔要听佢话，我非常无瘾”，“有冇人心情同我一样，唔钟意奶奶乜都参与”。

楼主大呻奶奶的为人是什么都要管，“好烦，我都顶佢唔顺”，而且对住儿子常常很劳气，“佢出到去都系用闹或者语气差对我仔，我超唔钟意咁，完全冇开心气氛”，一起出街总会变得不愉快。楼主试过说和朋友外出，奶奶仍然会跟去。

网民们深表同情，若楼主和奶奶同住，最好做法是搬走，同住要避开奶奶太难，“最好自己一家搬开住，各自有自己空间，关系更加和谐”。若不行，应该叫丈夫处理，“叫老公出声啦”、“叫你老公喺𠮶段时间陪奶奶去街，包佢唔跟你哋去”。但不少人认为楼主要自己坚决提出，“一齐住就要讲出嚟不然大家都好辛苦”、“兜口兜面同佢讲唔方便，你唔畀佢嚟佢都唔会嚟，你可能平时乜都话好，完全一啲反抗都冇，先会搞到佢咁黐身”。

有网民提出“黑暗兵法”，教楼主夫妇“自己辛苦几次，逢星期六日带小朋友唔系去海马公园就迪迪尼，连续几个星期都去，逼佢去，去多几次老人家冇体力慢慢就唔跟喇”。

（综合）