红的霸位！土瓜湾表场变车房的士专用表位　街坊头痕但1原因无计

收费表场被的士“霸占”，可能会令普通驾驶者头痕。有土瓜湾街坊发帖，抱怨区内有咪表场被车房的士占用，“17个霸14个”，令区内变相少了表场，又揶揄车房“个舖位抵啦，一个舖位包十几个车位”。网民称附近车房数条街都有类似情况，始终租金和行业集中就会吸引车房进驻，唯有大家集体投诉，但实际上“佢又有入表，又真系吹佢唔胀”。

楼主在facebook群组“To Kwa Wang土瓜湾之友”发文，上传1张图片，显示一个车房外的咪表停车场，几乎每个泊位都是的士，只有1辆私家车，货车停路中心落货。他批评“到底呢间的士车房究竟有冇廉耻？17个位霸14个，仲有double park（并排停车）”。

楼主批评该车房霸表位霸到土瓜湾少了1个表场，俨如的士专用表位，讽刺其舖位超值，“一个舖位十几个车位…真系悭返唔少停车场钱”。

网民指附近街道有同样情况，“之前都会兜吓𠮶度会唔会有位，而家都知道实冇，所以费事兜入去”、“唔止呢度，附近几条街一样，长宁街日日车房车阻街”、“总之有车房，附近啲咪表位都会变成佢哋嘅生财工具”。楼主认为这些表位不可能用到，“佢一架出就一架入你等你嘅事...”，“霸自己门口都算啦，佢霸晒成条街，当然佢有入表系吹佢唔胀”，就算一日入齐14个表位，“都平过佢1个月租车位”。

不少人认为如果所有的士都有入表的话，其实没什么可以做，“公道讲句如果佢keep住入表系吹佢唔胀，但如果佢冇入表，就真系霸位”，但若有执法人员现身，“班友咪入返表啰”、“理论上佢有权泊，你有权等，的士本来都有泊车嘅需要，都无咩可以做”、“差人扫𠮶阵入咗表，唔超过24小时，基本上好难搞，只有扫密啲，增加入表成本，画下鬼脚睇系咪过24小时，系得double park嘅可以即抄”。

（综合）