搭的士要求中途停车等接BB　港女不满司机催促　公审反遭网民狠批

网上不时传出士司机与乘客爆纠纷，有港女于网上发文大呻，日前与两名女友人于屯门大兴乘搭的士，甫上车已告知司机想在良景邨停一停车，待友人上楼接婴儿上车，再出发前往三圣。惟等待期间，司机不满地指“过钟要钱”，她们称愿意付等待时间的车资，隔了一阵子，司机再指“赶时间”、“我饭都未食呀，阿姐”，最终友人在10分钟内抱着婴儿重新上车。楼主不满司机态度差劣，于帖文反斥“如果系咁肚饿，点解唔食咗饭先排站呢？”、“有乜可能到个乘客上咗车，然后你不满，就咁样同啲乘客讲嘢嘅呢？”。

该港女于fb群组“的士乘客及司机行为分享区”发文，忆述事发于3月29日下午近2时，她与两名女友人，其中一人手抱婴儿，3人一同在屯门大兴的士站上车，甫上车已告知司机想在良景邨停车，待友人上楼接婴儿，一行人出发前往三圣。

她们等待友人上楼期间，司机有微言“话过钟要钱”，她们称愿意付等待时间的车资。司机随后再重复说一次，她们回应“其实一上一落都真系唔需要半个钟，同埋我哋真系唔介意畀番钱佢”。过了数分钟，司机质疑“点解唔叫人凑个BB落嚟”，楼主心想“讲真，如果人哋可以凑到落嚟，又使乜上楼接呢？”。

楼主续说，司机随后指“赶时间”、“我饭都未食呀，阿姐”，楼主无奈对方未吃饭为何是她们责任。再过了2分钟左右，司机“叫我哋打畀个朋友催佢，又话我哋上车𠮶阵唔讲要等”，楼主心想“明明讲咗，佢自己听唔到”。幸好友人及时抱着另一婴儿重新上车，“其实全程都系10分钟内嘅事”。

楼主形容整个过程，“我哋系觉得佢好烦，全程系喺到好惊慌咁，唔知佢究竟咩事”，反问“如果系咁肚饿，点解唔食咗饭先排站呢？由你排站𠮶刻开始，你都唔会知上车嘅乘客系要去边到或者去几多个站㗎嘛，有乜可能到个乘客上咗车，然后你不满，就咁样同啲乘客讲嘢嘅呢？”。她补充说，最终全程车资为100元。

楼主原想“围炉取暖”，获得网民认同，将矛头指向司机，惟帖文惹来网民一面倒批评，大骂楼主“自私”、“西客”，将的士当私家车，“呢啲客畀几10蚊车程就想当架的士系私人车司机咁，真系以为1分钟跳个1蚊好X多”、“其实，1分钟收得你𠮶1元5角，等10分钟得15元，虽然个表真系会跳司机有钱收，但要咁样几站仲要等，点解唔预早计划好行程呢？”、“你真系好意思，等超过5分钟，你都落车搭下一部啦，慢慢接小朋友，hold住人哋唔使揾钱！自私无药救，问题永远喺人哋度！俾我真系X你落车！”、“司机最终都完成你程车，都系呻多两句，都要出post公审人”。