阿妈20年后归还小学$600奖学金　迷失港男慨叹：当年考几分又点？

小时梦想最终可实现的又有多少？有网民分享称，妈妈近日交还2个信封，内里装了20年前在小学获取的奖学金，随即感慨最近迷失人生方向，对生活失去热诚，又指当年考几多分不重要，“大个发现，做人最紧要系揾到自己可以长期发展嘅兴趣／目标”。不少网民留言向楼主打气，“其实过去唔重要，重要系发生过嘅事有咩得着，成为一个更好嘅人”。

该网民于连登讨论区撰文，表示以前在小学曾因2科分数得全级第一而获得奖学金，后来被妈妈锁起在柜桶内，直至近日突然交还。相中可见，楼主应在1、2年级分别获得1科全级第一，两个信封各藏300港元，更是绝版的2000年中银钞票，但因有20年历史已开始发黄。楼主续指：“对个小学生嚟讲，用当年嘅物价睇，一科考第一就有$300都真系几多。”

楼主续坦言最近对人生方向感到迷失，现时做的事情已再无进步空间，但想学习新的技能又未有方向及计划，“唔知自己点样可以善用自己嘅才干”。楼主又指妈妈交还这些陈年回忆的时机非常准确，“系时候要好好思考人生方向，唔系父母、学校、公司、社会叫你做乜就做乜，要自己take返control，做爱做的事”。

楼主续感慨当年考高分其实不重要，“人长大后最紧要找到自己可以长期发展的兴趣或目标，无目标嘅感觉每日嘅生活都好郁闷，好似唔知为乜咁，对生活冇咗热诚”。

不少网民也纷纷留言赞同楼主，“好挂住以前读书无忧无虑嘅日子”、“大个咗就有好多嘢要顾，被逼放弃想做嘅嘢”、“冇目标日日行尸走肉咁最辛苦”、“成长确实系痛苦但代表住唔同意义”、“我都系一样，唔知有咩将来，又谂唔到咩人生计划”。

也有网民笑称楼主浪费了600元，“哗，当年可以食到几十餐M记”、“啲银纸唔用得啦㖞”、“做咩会畀阿妈㗎，搞到冇得用”、“终极嘥钱法，就系唔用几廿年”。