女友偷删游戏数据冇晒　原因超傻眼　港男嬲爆掟手机遭斥暴力狂

花心力打机一段时间后突然要“砍掉重练”，的确令人很崩溃！有港男于讨论区发文大呻，日前女友到访他家，趁他离开一阵子时偷偷删除其电脑中的游戏，他事后揭发事件，重新安装后游戏纪录全无，女友亦主动承认是罪魁祸首，做出此举原因是“想试下我钟意佢定钟意游戏多啲”。他一怒之下大力掷女友手机在地上，手机瞬间粉身碎骨，结果他被女友四处宣扬是“暴力狂”。

该港男于Dcard讨论区以“因为一件事我掉烂咗佢电话”为题发文表示，日前女友到访他家，其间要求他外出帮忙买饮料，“依家谂返起觉得佢系借啲意使走我”。回到家后女友表现得若无其事，他当刻并不知道对方在他离家期间所做的事。直至女友离开后，他开电脑打算打机，却发现平日玩的游戏消失不见，当时他没想那么多，以为是电脑出问题，于是重新安装，“之后就出事喇，游戏入面全部纪录冇晒”。

他说，虽然女友之前到访过他家，知道他的电脑密码，但也没怀疑过是女友删除游戏，其后还于讨论区向其他玩家求助，“睇下有冇人帐号出事，咁当然个结果系冇啦”。他形容，“𠮶晚我成晚sad（伤心）到瞓唔着，因为玩咗好耐，而且都使咗唔少钱喺入面”。

他续说，翌日与女友见面时，女友察觉他表现伤心，于是关心问候，他向女友诉说事件，“点知佢认系佢搞嘅，我当刻个脑空咗，取而代之嘅系成肚火”。他气愤地问“点解要咁做”，女友解释“因为想试下我钟意佢定钟意游戏多啲”，他一怒之下大力掷女友手机在地上，手机瞬间粉身碎骨。他无奈道，现时女友向朋友们“唱我系暴力狂”，他不知如何是好，慨叹“已经系搞到我身边所有人都知，一堆人走嚟问我发生咩事”。

有网民搞笑建议楼主可向女友说，“我想试下你钟意我多啲定部电话多啲”、“以其人之道还其人之身”以解决事件，又笑言“呢啲唔好放生please”。

不少网民直言爱好打机的人，游戏数据是命根，“哇，我系女仔，我见到你话揼烂佢手机觉得好爽，game呢啲系打机嘅人条命嚟㗎㖞”、“有咩理由直接del（删除），有病”、“嫌打得多咪直接同人讲，打少啲ok㗎㖞，但game入面啲成就/抽到嘅嘢/做咗嘅task（任务）真系冇咁容易就返到嚟”。

网民一面倒批评楼主女友擅自删除游戏的行为，直言其性格难相处，“救命，你一开始钟意佢啲咩，个格咁港女，执到都喊三声”、“onX女人系唔知点解好钟意用激嬲另一半去试探对方，但系呢个方法本身系消磨紧另一半嘅爱”、“呢啲女人真系黐线，ching遇到唔好彩”、“咁嘅黐女都有男朋友，咩世界”

有网民劝楼主分手，“秒分都嚟紧，0爱already（已经）”、“咁大个人都唔识分咩系唔应该做，真心不了”、“咁个女嘅都唔系钟意你啦，钟意你点摧毁你钟意嘅嘢，快啲分啦”、“唔分留返嚟过年？”。