港铁小学女生崩溃影片疯传│向母哭喊 ：知唔知好辛苦？　网民心痛

【香港教育制度／学生压力／欺凌／港铁】香港教育制度一直被诟病对学生压力大，近日网上就疯传一段小二女学生在港铁车厢内向母亲哭诉压力大的影片，片中女学生多次明言“好辛苦”、“我好惨”、“顶唔顺喇，生存呢个世界上㗎”等，道尽苦况压力爆煲。5分钟诉苦影片引起网民关注，直指“好心痛”，又关注香港教育制度对学生压力问题。有网民则呼吁家长勿忽视小朋友的情绪反应，应及早寻求专家寻协助。

YouTube频道“香港新闻突发时事合集”以“【教育制度】小学生因升班感压力大，在地铁车厢对妈妈哭诉”为题发布该段约5分钟影片。

片段未有提及拍摄时间，开首即听到有女童以哭声说：“好辛苦，好唔舒服㗎喇，我仲要日日喺度返学，好辛苦！我真系好辛苦㗎，妳知唔知啊？妳都唔畀空间我㗎！”、“我好辛苦先可以升到2年级㗎，我唔系好似妳咁样㗎，妳而家乜嘢都唔畀我睇喇，妳而家好唔钟意我，妳可唔可以叫我即刻走啰！”、“好难顶呀，你知唔知呀，你成日都唔明我”。

这时母亲回应“过2日妳走㗎喇”，女童则明言：“我唔想过2日！我想即刻走啊，我唔想等喇！我想走好耐㗎喇，妳嘥咗（我时间）好耐喇！你浪费咗我啲时间喇”。

之后母亲反问“妳做咗啲咩嘢帮我啊？”，女童即表示：“妳唔好问，妳知唔知妳浪费咗我好多时间，仲话我唔啱，咁妳想唔想要我啫？你唔想要我嘅，我即刻走啰，好唔好？好难顶啊妳知唔知啊？妳成日都唔明我哋嘅，无人钟意我啊而家，我好惨㗎！”

母亲于是问“边个唔钟意妳啊？”，女童指出“同学唔钟意我啊，我而家好唔开心，好难顶啊！好辛苦㗎！无人同我玩啊，我而家好惨啊。我连同学都无一个啊，妳成日都话人哋，妳哋啲大人都无得改嘅”，更声言“我而家好辛苦，我都唔知忍得几耐啊，我忍咗好耐喇！唔好阻我啲时间啊，我已经够皮㗎喇，唔好玩我得唔得啫！顶唔顺喇，生存呢个世界上㗎”。

直至拍摄者在调景岭站下车，女童仍在诉苦，未知后续如何发展。5分钟诉苦影片引起网民关注，直指“心酸”、“好心痛”、“听得出个妹妹真系好大压力”，亦有网民认为须找专业人士协助处理女童情绪，“小朋友的心理压力很大，不要以为小事，要找专业人士疏导”、“肯讲出嚟系好事”。

也有大批网民议论香港教育制度问题，“成日话香港教育制度，父母本身都不断压迫子女，一日学呢样学𠮶样，又补习！”、“家长系不自知，家长要多与子女沟通，听佢讲并唔系主要因升学压力大！唔该家长们唔好成日逼子女，只求分数”、“香港填鸭式教育逼得小朋友好惨，学校加埋家长压力好大，所以平时一定要同小朋友多啲倾计，纾缓他们的压力创伤”。