边个错？行李箧放巴士轮椅位　港男影相公审　1原因被反批唔帮手

网上时有出现公共交通工具摆放行李的纷争，近日又有港男于网上发文公审，有巴士乘客将行李箱放在轮椅位，而非放在行李架，惟网民纷纷反斥，未必人人够力将行李箱放到行李架顶层，“摆轮椅位𠮶2个算摆得好啦，好多人唔瞓低由得佢周围碌，与其话呢2个箧嘅主人，最cheap系黑色白色两个箧主人，之后就系楼主你，咁小嘢就公审”。

该名港男于fb群组“沙田之友”发文表示，“明明行李架仲有位，系都要放轮椅位”。从照片可见到巴士行李架上最高的一格仍有空位，中间及底层各有黑色和白色行李箱“打平”放置，霸占了整个行李格。而轮椅位未有轮椅人士使用，但放有2个行李箱。

不少网民留言猜想涉事者或许非有意不放行李架，“可能放完之后先有空位呢”、“可能人哋矮唔够力放上最高个架度呢”、“其实唔系所有人都够力、够高放最顶𠮶格㗎！”、“其实有时好重，真系擡唔到上去，体谅下啦”。

有网民批评楼主小事化大，“放个箧都会俾人批斗，呢个城市病得好严重，压力太大”，有人嘲讽“楼主，不如你示范搬上去俾我睇下”、“应该帮𠮶两位朋友摆上顶，记住人哋落车都要帮手拎返落嚟呀”、“个心咁愤怒都只系影相上网，唔出声闹都起码要出手帮手执啦”。

甚至有网民认为楼主应转移公审目标，“放行李架𠮶班都唔系好人（红色绿色除外）”、“咁自私的放法，白色黑色竖起可多放两个”、“要闹就闹白色先啦，同一个人瞓喺地铁凳上霸晒无分别，黑色都唔好得去边”、“试问点样举30kg上去，不如问下点解下面两个放咁衰”、“要X系要X平放𠮶班自私X，明明个设计一格放到2至3个箧，自私X一个霸晒，应该要再画细格啲人先识放返好”。

楼主其后回复网民留言说，“其实有冇轮椅都尽量唔好摆呢个位，万一下个站有轮椅上嘅话点样搞？个司机帮手拎？定系喺架车度问件行李系边个嘅？ 冇人应又点算？”。他又分享遇过有司机知道接下来会有许多携带行李的乘客上车，因此会提醒乘客将小型行李放在司机位旁边的位置，腾出行李架空间予大型行李，“最后真系放到满晒先会焗住放轮椅位”。