移民英国｜港女超市泊车疑遇撞车党　遭隔篱车主指控刮花车尾索赔

在英国驾车要小心，勿误堕“撞车党”陷阱！有移民英国的港女于网上发文，表示怀疑遇到撞车党，称在连锁超市Tesco外泊车时，遭相邻车主指控刮花车尾，要求索取汽车保险资料索赔。她十分肯定自己泊车时没碰撞到其他车，惟与对方交换了电话号码处理事件，隔了一阵子该车主致电要求告知保险公司名称，她不知如何处理下，发文向网民求助。
不少热心网民留言教路指出，“你有冇装车cam？会唔会呢啲人专吼冇装车cam嘅人揾食？”、“人都走咗喇，仲使听佢电话？直接block得”、“保险公司之间是可以互查，不需要你畀的”。

该名港女于fb群组“英国香港人生活交流区”发文表示，日前驾车到连锁超市Tesco外泊车时，“隔篱车司机落车同我讲，啱啱我泊车时刮花佢车尾（指出一条很细的刮痕）”，车主声称有目击证人，并展示手机已存入证人的联络资料，要求索取其汽车保险资料索赔。

她当时严正指出，“肯定冇撞到你，你可以报警”，车主最终没报警，她亦没有告知对方汽车保险资料，但交换了电话号码，然后车主就离开。隔了一阵子，该车主致电要求告知保险公司名称，“声称佢保险公司需要知道我保险公司名”，她不知如何处理，因而向网民求助。

不少网民留言认为，楼主不应告知对方电话号码，“做咩畀电话佢，你都话冇撞到佢，你想识多个friend？”、“唔会理佢啰”，有人笑言“叫佢讲中文”。

有网民教路，“乜嘢资料都唔好畀佢扮唔识英文，再指示佢所有超市car park都有CCTV，马上邀请佢一齐入去揾经理协助，如果件事系假的话佢一定即闪”、“你架车有冇花痕？同埋佢话𠮶条花痕有无你架车啲油？”、“你车有冇cam？有嘅话同佢讲已经将条片畀咗自己保险公司，佢哋研究完有需要会揾返佢跟进。你乜资料唔好畀佢，斗大，我觉得佢坤你”。

有网民建议她先向警察及保险公司备案，“你最好report to police备案（可以网上report），对方保险公司系不会直接找你，而系找你的保险公司，畀我就一定唔畀details对方，因为冇撞过，除非佢睇住我撞”、“知你车牌，对方保险公司要揾你保险公司唔难，佢都系问下你，你一定要同你自己保险公司讲有样问题，你自己保险会同对方理论，但系你唔理，到揾你嘅时侯，就当你撞咗人哋车走咗去，对方保险公司揾你，你问佢咩公司、电话、揾边个，交返畀你保险公司”。

有网民分享类似经历称，“我都系喺Tesco俾人冤枉过，一天突然收到保险公司电话，有人投诉我6个月前撞到佢架车，有证人，保险公司已代我赔偿，要我承认，我话冇呀，书信往来几个月，结果我换保险公司，但冇咗三年no claim bonus（无索偿折扣），新保险多百几镑，当破财挡灾啰！”。