港妈遭家暴盼离婚：怀孕时被推落梳化　忧无收入难争3岁仔抚养权

要维系婚姻需要夫妻共同努力及互相尊重，有港妈于讨论区发文惨呻，婚后经常与丈夫为教养3岁儿子而争执，丈夫还不断以言语伤害她，甚至动手家暴，曾为冲奶水温骂她“死蠢”、怀孕时“肚锣咁大”都大力推她落梳化等。她忍无可忍想离婚，但丈夫要求先见婚姻辅导员，又责怪她若离婚就不能给儿子1个健全的家庭。港妈指，已经对丈夫心死，但又怕自己是全职家庭主妇，没有工作收入，担忧争取儿子抚养权时或失败。

该港妈于亲子王国以“离婚…”为题发文表示，婚后与丈夫育有1名3岁儿子，惟婚姻生活并不美满，产子后丈夫才自爆患有亚氏保加症，两人98%相处时间都为儿子而吵架。她指丈夫经常用言语伤害她，“小事到食奶冲凉食饭都可以嘈，为咗水温高1度都可以骂我死蠢𠮶只”，“喺小朋友面前发癫，明明错在佢先，都可以将自己嘅错轻轻带过，然后不断狙击我，话我唔好，叫我反省，我话我唔想再忍受想分开，佢话我贱”，还要求她在亲朋戚友面前“认我系自私，只追求自己感受，自认系贱”。

港妈难忍丈夫打算离婚，但丈夫得知后却要求一同见婚姻辅导员，又责任她指若离婚会对不起儿子，“不能畀小朋友一个健全嘅家庭系我自私”。她又指，自己是全职家庭主妇，没有工作收入，“佢一路都要我做100分妈妈，要求我唔好做嘢凑仔”，担心一旦要争取儿子的抚养权，她会因经济能力较差而败诉，“佢直情要同我抢呀，话我无钱，又无能力”。

港妈坦言，目前已无法与丈夫维持婚姻关系，“我对佢心其实都已经死咗”、“喺埋一齐吵架每次都加重伤害，而佢觉得系会变好”。她计划，若离婚后法官将儿子抚养权判给她，便会带同儿子回娘家居住，聘请外佣照顾儿子，慨叹自己外出打工虽然“都够食够住”，惟儿子生活条件不会比跟丈夫好，伤感道“但个仔我都有份”。

港妈又忆述，当初拍拖时丈夫对她“未去到咁差地步”，不会骂她蠢，但自从结婚怀孕后，丈夫知道她“唔可以唔靠佢”，说话变得很难听，“癫到我只系黑面都俾佢骂到一面屁”。丈夫后来甚至对她动手，“试过几次推我，捉住我想打，我叫佢够胆就出手，佢最后无出手”、“有咗𠮶时个肚锣咁大佢仲好大（力）咁推我落梳化，我喺𠮶时已经记咗仇”、“上几个月同我嘈，佢拉我入厨房关门推我去墙，拎起拳头，好凶狠差一步就打落我头，所以可能因为咁，我连辅导都唔想见”。

她又猜测丈夫可能有躁狂抑郁症，“（丈夫）发癫时真系好恐怖，佢试过同我嘈到又话拎刀自杀，又试过对住我又撞墙又跪又拜，如果喺𠮶个咁激嘅情况报警，唔知会唔会想我哋一镬熟”，曾向对方提出过此问题，但被丈夫指不尊重。虽然丈夫承认动手有错，“但佢话我自己攞嚟，系我激到佢咁嬲，我喊佢话我扮无辜”，慨叹“当初无睇清楚佢系咩人，自己攞嚟”。

不少网民批评楼主丈夫行为已属家暴，建议要即时报警，“好恐怖，咁对自己老婆，最憎男人恰女人”、“推你已经算家暴，仲想打你，有得一次就会有下一次，再系咁记得报警，要保护自己”、“如果佢下次再郁手你去医院验伤，急症有警岗可以即刻报埋警，一有record（纪录）你死咗佢都未必攞到管养，今日打你，下次打小朋友，你自己谂清楚吧！”。

网民亦建议楼主先见婚姻辅导员再决定是否离婚，“结婚𠮶阵，相信楼主都系想一生一世，唔好咁快就放弃，见下婚辅可能有弯转呢！”、“见咗婚姻辅导先，见完大家关系无改变，先再考虑离婚”、“为小朋友畀一次机会，唔得先头也不回”、“都唔差在做埋婚辅，少男人肯行呢步，大家倾完，由第三者指出问题，或者佢肯面对呢，唔得先谂离！”。

有网民提醒楼主要有经济能力，才能增加争取抚养权的胜算，“有时想离婚都要有足够的筹码，现实就是这般残酷。你没有经济基础，没有工作，官真系未必判给你。你先生看来就是看穿你根本冇能力同佢斗，亦看轻你不尊重你，先畀咁多难听说话你听。如果你真系不忍心同孩子分开，你要令自己增值，只要有一日你可以靠自己赚钱养家，你就有筹码了”。

有网民则指出，“多数判畀照顾开小朋友𠮶个，唔关收入事，因为佢都要畀生活费你”、“其实佢有咁嘅行为，你未必一定输，唔一定系判畀揾到钱𠮶个㗎，佢咁嘅格随时会对小朋友有危险添，针住呢点有得拗”。