投毒？男子入狗公园扔朱古力断正　狗主拍片质问　1句辩解劲惹火

朱古力对人类而言美味甜点，但对狗来说是毒药，所含的可可碱和咖啡因可引致狗只震颤、心律异常等，严重可致命。有爱狗女子于网上发文，公审有陌生男子疑想用朱古力毒害狗只，对方不止1次故意将朱古力抛进文昌街公园，而该处为宠物公园。她转载1段“断正”影片，拍到陌生男被人怒斥后死死地气地拾起地上朱古力掉进垃圾桶，片主更发现男子手中胶袋内藏1排朱古力，男子辩称：“玩下咋。”
帖文令一众爱狗网民哗然，直斥“咁狠毒，X街到冇人有”、“呢啲咁嘅死X街，真系过年流流都要俾人诅咒佢”，不少人大赞片主伸张正义，“唔系全部狗畀佢害死”。有在场围观的网民留言称，警察到场后只作出口头警告，并没有拘捕。

该名爱狗女子周二（24日）于fb群组“狗狗义工组”发文，描述涉事男子外貌特征，身高约178厘米、带黑色粗框眼镜、短发，皮肤有湿疹、红色敏感皮肤，指出“此人不止一次故意把朱古力抛进佐敦狗公园”，呼吁狗主们要小心及广传事件。

她转载1段约6分钟的影片，男片主一直跟拍1名穿灰黑色外套、长裤和波鞋、戴黑框眼镜， 以及手拿着白色胶袋的男子，片初片主喝斥男子，“佢掟啲朱古力入嚟呀…咪X行住呀你”，该名男子一直在公园徘徊，四处观察，并听到旁边有把女声称正报警。片主发现地上有朱古力后立即指着说“呢度一嚿”，男子不发一言随即上前拾起掉入垃圾桶，片主继续激动地爆粗指“有冇搞X错呀你，你知唔知狗食X咗会死㗎”。

随后片主指着男子的胶袋怒斥“你𠮶啲乜X嘢㗎？我怀疑你𠮶啲嘢系有毒㗎，你攞出嚟睇下”，男子未有拒绝，顺应片主拿出袋中物件并说是“新买”，片主指“你变态㗎，吓？”，男子辩称“唔系呀，玩下咋”，片主斥责“玩下？咁大个人，玩乜X嘢呀玩，咪X走呀你，你解释清楚呀阵间，你离X谱㗎咁大个人”，其间男子于袋中拿出1排朱古力，自投罗网提供作案物证，并听到有把女声于报警期间声称有宠物吃了朱古力。

片主指出不至1次见到男子在公园外抛朱古力入园内，男子未有再作出辩解，只是一直默默在行人路徘徊，四处观察草丛，疑似想找回自己抛入公园内的朱古力。在等待警察到场期间，片主继续拍着男子，并向在场经过围观的狗主广传男子恶行，有把女声斥道“新年流流，心地咁差…咁差就唔该走啦，唔钟意狗就唔好入嚟啦，呢度狗公园嚟㗎嘛”。

片主问男子“你知唔知食朱古力会食死啲狗㗎？”，有把女声附和回应“佢梗系知啦，唔知点会掉呀？”，女子更说男子之前也曾抛狗只不可进食的午餐肉入公园内，“你个人咁X黑心嘅”。片主怒斥“咁X大个人，新年流流，就算唔系新年流流你都唔系咁啦话？一啲爱心都冇，啲狗会咬到你咩？”，女子接着批评“你禽兽都不如呀大佬”，又嘲道“我畀啲毒药你食之后同你讲玩下呀笨，咁X醒嘅你”，最后片主说了句，“你揾X清楚，一间食X死啲狗”，影片就此完结。

网民纷纷留言批评涉事男子，“真系黐鬼线”、“心理有问题，正垃圾”、“死X街，啲咁心理变态嘅贱人唔可以放过！”、“作为男人影衰晒，作为一个成年人，连小动物都容不下，枉为人，不知所谓”、“我就唔信佢唔知朱古力有毒，好喂唔喂就偏系用朱古力”。

不少网民大赞片主，“多谢呢位男狗主伸张正义，呢啲贱人唔畀啲教训佢系唔会知错”、“多谢男士发声！呢个人好危险，流浪狗或猫都有机会俾呢种人伤害”、“小得好，就算我系女人我见到的话，我都会出尽全力问候呢个死X街，啲狗都冇害过你点解要去害佢哋”。