男友家人逼结婚生仔　否则“大把国内正货”　港女闻男友反应心寒

【农历新年／婚姻／婆媳关系】感情问题是农历新年长辈必问难题之一，有港女就在讨论区发文，指与男朋友拍拖约7年，目前住在男朋友家。年初四（1月25日）当天，她听到男友家人向男友提到，如果她不愿生小朋友，“就call埋的士请我走”，更说“大把国内正货”介绍予男友，让她相当崩溃，而男友反应亦令她心寒，不禁感叹“我开始有啲分唔清佢边句真边句假”。

该港女于连登讨论区以“年初四被迫生仔结婚，唔系就call埋的士赶我走”为题发文，指自己年龄“3字头”，与男友拍拖6至7年，目前住在男友家。虽然男友喜欢小朋友，但她直言对此“麻麻地”，“责任大，又要供书教学，抢学位，仲要教识佢点喺社会生存，我自己都系人生刚刚起步，无咩信心教好佢，唔想佢天生天养，自生自灭”。

楼主指，年初四当日男友与家人聊天，她听到谈话内容提及“如果我唔生仔就call埋的士请我走，仲话生仔唔使咁大压力，船到桥头自然直，天跌落嚟大把人帮我哋撑住咁讲㖞”，之后更有亲友爆出一句“大把国内正货介绍畀我男朋友”，让她相当崩溃，“所以无出声，咪睇下应该焗住生仔，定搬走”。

楼主又称对男友的反应感到心寒，“今日先真正知道我男朋友嘅想法，平时佢都系收收埋埋，佢家姐嚟到佢讲咗好多嘢，但佢又同我讲唔使理佢哋，我系同佢拍拖唔系同佢屋企人拍拖……我开始有啲分唔清佢边句真边句假”。楼主直言，目前已预计会与男友分手，寻找价值观相同的人。

帖文引来网民热议，有人认为男友家人要求过分，“就咁听，已经觉得佢屋企人好湿X”、“其实你唔系同啲三姑六婆拍拖啰”。也有人认为男友家人有要求无可厚非，“咁你住喺人哋屋企有咩好讲？”、“换位思考，有人黐你屋企食住，有返啲要求、代价都好正常”、“佢想生你唔想生，咁分手，大家人生目标唔同”、“呢啲其实除非两公婆搬走唔再理屋企，否则无论生定唔生都一定有排烦”。