打工仔头晕坐关爱座休息　批孕妇1动作逼让座似奉旨：可以直接讲

让座予有需要人士是美德，但不应成为道德勒索。有打工仔近日发文，指下班乘车返家时坐在关爱座稍作休息。其间1名女子走到他面前，以手不断摸肚，打工仔看到动作才得知对方为孕妇，惟认为对方行为犹如强迫他让座，故刻意“斗气”坐到下一站才下车。事后他慨叹，即使有需要亦不应向别人施加压力强迫让座，反而可以大方提出要求，“个观感会好啲，而唔系好似奉旨咁”。

“我唔知有冇人明呢种感觉，但系𠮶种感觉真系令到你本来想让，都搞到你到你斗气唔想让。”该名连登网民日前发文，指下班后感到疲累，遂坐在关爱座休息，“做嘢做到有啲头晕，咁啱上车见到有关爱座，我坐咗落去谂住抖吓，我其实只系几个站就落车”。

后来1名女子走到楼主座位前，以手不断摸肚，楼主仔细看才发现对方为孕妇，“佢系着住件修身衫，都算系遮肚𠮶只，远睇其实我真系唔多觉佢系（孕妇），直到佢行过嚟我面前我先至知道”。

楼主指，孕妇走到关爱座前立即做出摸肚动作，令他非常反感，认为对方有意强迫他让座，“好似畀紧一种无形压力我，逼我一定要让，我其实都好攰㗎”。他直言当时因不满对方的行为而未有让座，“本身仲有一个站我唔介意企，但系我最后嘅选择都系坐埋佢，我承认我系有少少斗气”。

事后他回想事件心情忐忑，一方面认为自己应让座予孕妇，同时又不愿“纵容”强迫他人让座的行为，“即系其实就算你唔出声，有时见到你真系有需要都会让，但系唔好用埋啲暗示嘅表达方式，搞到我好似真系奉旨俾你逼走咁”。楼主认为，如对座位有需求，大可向他人直接表达，“任何有需要人士其实如果真系想要人让嘅话，可以直接讲，戴咗耳机可以挥手示意，个观感会好啲，而唔系好似奉旨咁”。

帖文引来网民赞好，不少人认同楼主所言，“有需要可以出声，等人知你想点”、“唔使自责，关爱座系畀有需要人士，唔一定大肚婆老人家坐，你其实都系”、“出声想人让座，个态度都麻烦要好少少，老奉咁嘅话我都唔会让”。不过亦有人认为事件或属误会，“大肚婆扶住个肚、摸住个肚好正常咋下？一定系做畀你睇？”、“佢摸下个肚，代表佢摸下个肚，你谂多咗，真系有需要就会出声同你讲”。