的士司机亚公湾遭野猪群围　车头被推终咁解决　网民笑：畀过路费

野猪出没注意！有的士司机日前深夜驶至西贡亚公湾公厕对开时，被10多只野猪包围，他不敢响咹，怕吓倒野猪，最终静待10分钟后野猪才散开。帖文引起热议，有网民道出野猪成群结队于马路出没的原因，“有一个婆婆爱心泛滥，日日坐的士去𠮶个位派食物畀野猪，引晒佢哋出市区”，有人更说“亚公湾公厕附近啲野猪好恶，上次其中一只撞我车头，次次想去𠮶度屙笃尿都唔敢”。

该名司机于周一（2日）在fb群组“的士司机资讯网 Taxi”发文并贴出3张照片，只见马路四周环境漆黑，其中1张拍到车头有11只野猪在徘徊。他无奈地说，“今晚生意已经够晒静，仲要落完客出嚟路口俾佢哋包围（唔知系咪我车头暖唔肯走，等佢哋散开等咗十分钟至走到，之后仲有师兄转咗入嚟，祝佢好运）”。

他其后补充道，野猪群完全不怕的士，还感觉到车头被其中1只轻轻地推了1下，“响咹怕吓亲佢哋跑出马路，等佢哋对我好奇完姿姿悠悠咁行开”。

有网民留言笑说，“冇佢哋陪你10分钟，你仲静”、“留下过路费”、“打劫，食得嘅嘢留低”、“梗系围你啦，佢哋搭车你拒载”。有网民安慰及赞扬楼主，“猪笼入水呀，好意头”、“你系一个有爱心的司机，值得表扬”、“都系揾食啫，司机好人”。有司机分享经历表示，“我都遇过，下次你可以慢慢郁，佢哋自然会散开”、“我有次喺西贡都遇过，砵几砵全部弹开晒”。