外卖员违泊鹅颈桥底　爆粗狂闹咖啡仔抄牌　网民赞：阿sir EQ高

违泊就是违泊，道理并不在犯法者那边！网上流传1段影片，有外卖员将电单车停泊在铜锣湾坚拿道天桥（俗称鹅颈桥）桥底去餐厅拿外卖，折返时惊见有名交通督导员（俗称咖啡仔）正抄其车牌，他十分不满，立即拿出手机拍片怒骂对方，粗口横飞，质疑选择性执法。督导员心平气和地反击指自己的工作就是抄牌，而且外卖员确实有违泊，亦展示抄牌资料证明自己没有偏私，无论是私家车还是电单车一律都会抄。
影片惹起热议，网民嘲讽外卖员，“阿叔要话畀全世界知佢自己有几戆X”，担心“转头又好似车房仔单嘢咁，一个累全世界”，网民又大赞督导员“阿sir做得好呀，EQ高”、“使乜同佢解释，违例就要抄！”。

fb专页“香港铁骑馆”昨日（20日）发布1段2分04秒的影片，该名外卖员于片初从后拍摄1名交通督导员抄其电单车牌，他上前大骂“X你有冇咁离谱呀，我走去攞攞外卖你又抄，你咁嘅X佬真系”，督导员心平气和地指出“你自己违泊呀嘛”，外卖员不满指“一系政府禁唔好做外卖，X你老母，我去攞外卖咁架车停喺边度呀”，督导员强调“我嘅工作就系要抄牌，你又摆咗喺度，我又抄你㗎啦”。

外卖员批评，“抄牌，你个政府X街嚟㗎，专抄电单车，你又选择性抄”，督导员反驳“你睇下𠮶度私家车俾我抄晒啦”，外卖员将镜头向右移拍摄摆放在路旁1架放有4箱橙的手推车，质问“呢啲又唔抄？”，督导员解释，“咁我喺𠮶边行过嚟，梗系抄咗你哋先㗎啦”。

外卖员执着地认为督导员选择性抄牌，“你条粉肠专抄电单车，X你做人唔好咁乞人憎啦”，督导员随即展示手机的抄牌资料，“老细，呢架咩嚟㗎？呢架的士嚟㗎，呢架私家车嚟㗎，呢架货车嚟㗎，你睇下啦”。外卖员继续发晦气“走去攞攞外卖就奖$320，X你人哋使唔使揾食呀”，督导员指出“我唔系专抄电单车㗎，喂，你系唔系违法泊车先？我唔使同你讲咁多啦，你自己揾证据上嚟辩护啦，如果你觉得自己啱嘅，你可以请个律师同法官讲，你就唔好同我讲”。

外卖员怒骂，“你讲咩违法呀？你揾偈倾呀，X你咁X多车唔抄，我唔系同法官讲，你做人唔好咁X街，你条粉肠唔好咁X街”，督导员说“唔知边个X街呢？犯法㖞，我抄你我冇犯法㗎，好老实讲”。外卖员问“嗱，啲餐厅，你话我哋点攞外卖呀？”，督导员没好气地说“我讲多都口臭啦，你自己谂办法啦，阿叔，你做得呢行，你要自己揾位㗎啦，使唔使我帮你做埋呀，不如我帮你揸埋，帮你送埋啦，好冇？畀埋钱你啦好冇？”，外卖员指“揾位喺边度揾呀？离X晒谱㗎真系，X你不分青红皂白，你老母X胡乱执法，你仲好讲真系”。

外卖员一直跟着拍摄，督导员表示“你自己电话上网俾人睇你自己违法泊车呀，好冇呀？”，外卖员指“我一定摆㗎，你个X街，我一定要认住你个X街，人哋都XX你”，督导员说“你一定要摆呀，你自己摆行人路㗎嘛，边个话俾你摆行人路㗎？系咪先，你咪试下问下啰，摆行人路影唔影响到人啰，咁多人喺度行，你都可以摆喺度嘅”。

督导员愈渐无奈地说，“我觉得同你讲得多都口臭㗎啦，我唔想同你讲咁多嘢，唉，晒气呀，都话你觉得自己啱嘅，你自己请个律师，上法院，你记住上法院呀”。外卖员没理会，自说自话“影咩响人啫，你揾偈倾㗎真系，阻住人就话影响啫，唔好讲口唔口臭，就系呢只X街，认住呢只X街，各位师兄见到呢个，见一镬X佢一镬呀”，影片就此完结，未有拍到后续发展。

网民留言一面倒嘲讽及批评外卖员，“阿叔摆上嚟将会受到二次伤害”、“有乜好嘈，一阵佢call差佬呢，你咪又笠水”、“依家违泊好似合法，真系无耻”、“攞外卖都唔系大晒，你系要揾食嘅，就自己谂办法”、“X两句自觉安乐返少少咪算，烦到人哋X返转头咪自己攞嚟衰，如果送外卖就唔使守法就个个都去做啦”、“又X，泊附近的同行或其他车辆，小心又洗街”。

网民指出，“讲真唔抄你就人情，抄你就道理，做得职业司机就预咗有呢种事发生”、“玩法就系咁，如果唔抄，以后个个都违泊仲唔掂，当系成本之一吧”、“系无奈，但又真系违规，无乜好拗”。

网民又大赞督导员，“交通督导员做得非常好，讲得好有道理”、“呢个交通督导员好专业”、“真系呢！我实撑执法者嘅，攞外卖呢系你要谂放车嘅位置㗎啦！抄牌又真系对家要做嘅嘢㖞”。