港妈投诉商场剪影画裤裆有异物　小朋友问唔知点答　反遭网民炮轰

商场柱上的剪影引起天大误会？有港妈日前发文指屯门有商场的剪影画惹人联想，皆因画中男童的剪影大腿位置有物品凸出，“小朋友问我裤裆系咩呢，搞到我都唔知点答佢”，更扬言要作出投诉。帖文引起热议，网民直指家长是质疑画中画了阳具，“自己唔识答自己个小朋友就要投诉人哋？”，但认为该处明显是短裤的裤脚，揶揄她“肤浅同心邪”，帖文随后再被转载到其他群组及专页。楼主其后亦现身反驳各种说法。

有家长在facebook群组“真.屯门友”发文，指在安定邨附近商场扶手梯的柱子上见到一幅剪影画，“啱啱经过畀小朋友问我裤裆中间系咩呢，搞到我都唔知点答佢”，照片所见，该画应为1名男童剪影，其大腿位置有1个小尖角，被怀疑画得“太仔细”。家长更扬言：“领展商场（商场现由民坊管理）可以揾咩政府部门投诉一下？”

帖文引起热议，更被转载到其他fb群组及专页，许多网民指那位置只是短裤的裤脚、裤筒，“阿姐，如果佢碌嘢去到呢个位咁应该系移位”、“咪系条裤或者件衫跳起时既剪影啰”、“睇到啲乜嘢系心里嘅投射”、“其实系楼主您肤浅同心邪先会只想到呢个方向”。

有网民直言，楼主在质疑画中画的是阳具，“即系你心中都觉得系阳具，但又觉得唔好意思解释畀小朋友听？”。无论实物是什么也好，也不需惧怕向儿子解释正常性知识，“自己唔识答自己个小朋友就要投诉人哋？你话疑似系阴茎啰，系男人都有嘅嘢啰，唔识讲㗎？咩年代呀？性器官仲系唔讲得嘅名词？仲系叫妹妹弟弟呀”。

楼主不认同网民看法，反驳“估唔到呢度大家都咁open，咁第日真系有人裸跑都唔好报警”，若官方解释那真的是裤筒，她就变相教坏细路，自己只是想问清楚。她不满被指“少少嘢走去投诉”，再回应自己从来没说过要投诉什么，其实是想商场将黑影转为彩色，可避免引起误会，“一班正义道德X冲晒出嚟，我只系投诉商场希望将呢个黑影变成彩色咁咪知道系咩嚟啰，我都冇话系咩嚟，成班咁心邪㗎”。

网民笑言楼主是“围炉失败系度扮假胶”、“做家长好心你成熟啲啦”，认为帖文正正反映香港“投诉之都”的一面，“香港性教育之所以失败咪因为有楼主哩啲父母啰”，又提醒帖文已被转载到其他群组，建议尽快删除。

《香港01》正就事件向民坊查询。

（综合）