首日返工即收喜帖　打工仔呻：缺人到咁？　网民：派得落手𠮶下劲

结婚当然会邀请亲朋好友分享喜悦，但对于刚认识只有1天的新同事又应否派帖呢？早前有应届毕业生在网上发文指上任新工作的第1天，便已收到同事的喜帖，无奈表示“佢到底系几咁缺人先会咁做”。有网民建议，楼主假如与对方不相熟就毋需出席，但亦有人认为对方或不想让楼主感到被孤立，才礼貌上邀请。

该名应届毕业生在Dcard讨论区以“翻工第一日就收到红色炸弹”为题发帖，指上任新工作的首日便跟随人事部职员与不同部门的同事打招呼，午饭时突然有同事走近并指自己即将结婚，更递上喜帖。楼主在文中无奈表示，“但明明我先第一日返工，佢到底系几咁缺人先会咁做⋯⋯”。

帖文引来网民热议，并认为楼主应假装没有收过喜帖，更质疑对方可能是为了收取人情，“我会当无收过”、“咁佢又派得落手𠮶下劲㖞”、“第一日返工连你系边个都唔识就请，好尴尬”、“唔好去，去婚礼要识先有意思，你连佢几岁，全名叫咩，几时生日都唔知，去佢婚礼见证有咩意思？”、“佢应该主要系想收人情”。

不过，也有人猜测该名同事只是避免尴尬，以免被误会是孤立楼主，“会唔会人哋系费事你尴尬，你喺度做嘢之后都成日见，唔系一阵派咗其他人又唔派你，好似专登唔欢迎你咁”、“或者楼主对佢嚟讲有熟悉嘅感觉，佢已经当你朋友”。另有留言则认为若距离婚礼还有时间，便可看看到时是否仍在该公司工作再作决定。