30岁住公屋或租楼是失败者？港男指月入5万可过压测：咁失败为乜?

不时有人说能入住公屋是“人生赢家”，但有港男于讨论区发文直斥“30岁人仲住公屋或者仲租紧楼真系好失败”，又指摘这些人“都唔知做人为乜”，“唔系夸张，有咩理由去到30几岁仲未有自己物业？”。帖文引来争议，大部份网民都认为楼主言论过火，反问“点解一定要买楼？”、“一个人成功，由香港嘅楼定义，咁就真系好失败”。

该港男于连登讨论区以“30岁人仲住公屋或者仲租紧楼真系好失败（绝对真心）”为题发文，认为买楼是基本，连基本都做不到就是失败，“废啲嘅咪揾女朋友／老婆一齐供楼，每个人揾2至3万，已经有5万月入可以买旧少少嘅楼……叻啲嘅屋企人赞助少少首付自己一个供，月入5万已经可以过到压力测试，一个人供到……再叻啲就自己一手包办晒，有份专业嘅话，自己悭啲使 + 适当投资，20岁储到30几岁冇可能话冇钱”。

楼主重复批评这些30岁仍住公屋及租楼、买不到楼的人，称买楼没有很难，“失败者喺度讲到有咁夸得咁夸，讲到买楼超难喺度围炉取暖。平时又洗脚唔抹脚，又要即是（时）行乐，又要冇专业技能，咁失败都唔知做人为乜”。

帖文引来争议，大部份网民都批评楼主言论过分，“讲到20到30唔使住，唔使租，又唔使畀家用咁”、“好多人住紧月租10万8万豪宅”、“楼主典型穷x心态，跟本冇人care你住紧边揾几多钱做紧咩”、“仲未识分咩叫社会阶层金字塔，冇一个地方全部穷人，冇一个地方全部富豪”、“上网刷成功感，现实系一个失败者”。

也有网民反问为何一定要买楼，“一个人成功，由香港嘅楼定义，咁就真系好失败”、“点解一定要买楼？我钟意一时住下西贡，一时住下元朗，咁唔通全港九买晒？”、“你觉得喺香港买楼就令人生变好？”、“如果后生𠮶班如果又要九成按揭仲要慢慢供即系有排绑住”。楼主回应时强调，“冇人话买楼系一定成功，买楼系基本，基本都做唔到就一定失败”。