缺德！港女KOL行山食柑　乱抛柑皮落地遭网民批冇家教　法例咁讲

行山时自己的垃圾应自己带走！有连登网民今日（20日）发文，公审1名女KOL行山期间吃柑，将柑皮乱丢在山上的行为。帖文引起一众网民激辩，不少人坚持山野无痕，“每日咁多人行山，如果容许掉橙皮，唔使一个礼拜就变橙皮山”、“垃圾自己带走，呢个道理连3岁细路都识”、“咁个个去完野餐都将啲食剩嘢厨余鸡骨倒晒落地下都得啦”。不过意外地也有人认为做法没问题，“橙皮回归大自然，自然分解”。
根据《郊野公园及特别地区规例》（第208A章），任何人在郊野公园及特别地区乱抛垃圾，即属违法，违例者可被罚款1500元。

该名网民于连登讨论区以“无品港女行山食完橙就咁掉橙皮落地下”为题发文并贴出Instagram截图，虽然楼主指该名女KOL吃橙，不过根据照片中的大小，相信是正蹲着吃柑。原本照片能展现到健康美及贴近大自然的感觉，惟留意照片左方中间位置，石头边有堆疑似柑皮，不禁让人怀疑是该名女KOL随意丢弃在山上。楼主于帖文指出“俾人发现咗仲要即刻del相同熄留言，真系好X”，记者今早查看该Instagram时，已未能找到相关照片。

帖文引起网民热议，有人认为丢柑皮在山上并无不妥，“而家掉橙皮去野外系施紧肥，你识乜X呀”、“其实尘归尘土归土先系正确做法，你将啲有机物运去堆填区先系反智做法”、“橙皮掉喺山有益过掉落堆填区，胶不可分解就唔得”、“金山成地都系果皮，马骝食完都随地抛㗎啦，成件事好natural（自然）”、“好心唔好咁无聊，分解到又唔会影响其他人嘅嘢（无强烈气味），无问题啦”。

有人则指出讨论重点应在乱抛垃圾，而非柑皮橙皮可否于山上自然分解，“其实你哋根本就唔系同一个层面上拗，条女个原意唔系为咗令座山有养份先掉橙皮，实情系佢贪方便唔想带走所以先掉，所以X条女做错系绝对啱”、“上面咁多人嘈分唔分解到做乜啫，总之家下条女就系乱抛垃圾啰，而乱抛垃圾就系冇品、冇家教啰”。

有网民批评女KOL行为影响他人，“虽然橙皮可以自然分解，但始终自己垃圾自己带走，个个咁样掉法，咁咪成地橙皮，你去行山都唔会想见到成地橙皮”、“橙皮系可以自然分解呀，但屎都可以自然分解，仲可以做埋肥料添，咁系咪就大条道理周山屙屎？有啲嘢系对自然冇影响呀，但影响到其他人呢”、“咁多人觉得无问题，去所有大自然地方你带咩上山就要拎返晒落山，Leave no trace（山野无痕）”。

根据《郊野公园及特别地区规例》（第208A章），任何人在郊野公园及特别地区乱抛垃圾，即属违法，违例者可被罚款1500元。