港女搭的士称无钱要回家取　警员面前哭喊炫富：我每月搭万几蚊

乘搭公共交通工具前应带备足够金钱缴付车资，以免发生不必要纷争。有的士司机于网上发文分享车内拍摄镜头影片，提醒行家要小心1名涉乘搭“霸王的”的女乘客。司机于影片中指责坐在后座的女乘客到达目的地后，声称身上没钱而打算下车回家取钱，司机担心对方“走数”，双方争持不下，司机决定报警。警员到场后，女乘客露出可怜的样子，哭泣地炫富称，“我想讲我日日都系call车㗎啰，你可以check任何1个的士台，我每1个月系搭1万蚊的士㗎”，又斥责司机是“瘟神”。最后女乘客爸爸到场缴付车资，女乘客下车时态度180度转变，爆粗怒斥司机，诅咒“转头撞车死”，影片于网上引起热议。

该名的士司机于fb群组“的士司机资讯网 Taxi”分享3段共长近12分钟的车内拍摄镜头影片，左下角显示事发时间为昨早（11月12日）8时许，司机于帖文批评“妳每月搭一千万的士关我鬼事咩，而家搭车妳就系要畀钱啦”、“讲嘢语无伦次，到尾咪一样要找，妳走得甩咩”。

第1段影片起初，坐在后座的女乘客向司机表示，“唔好玩啦，好冇呀？”，司机甚为愤怒地指斥女乘客到达目的地后称身上没钱而拒绝付钱，因而报警，“我冇玩过妳呀，你自己清醒回下带，妳做过啲咩先啦”、“妳话又非礼㖞，又话我强奸妳，挟持㖞”。女乘客随后气定神闲地说“慢慢等啰”，司机指“大家讲道理㗎嘛，啱唔啱呀？妳去玩求开心，我做生意㗎，咁我冇钱收咁点呀？”、“我头先喺妳屋企门口㗎，咁妳冇钱畀我话返上屋企㖞，咁如果个个客咁样，咁我唔使做啦，返咗屋企我边度揾妳呀？”。

第2段影片显示，多名警员到场，司机下车向警员说明纠纷详情，女乘客留在车上，其间女警要求她先戴上口罩，女乘客翻找了1阵袋子后声称“跌咗”。其后女乘客爸爸到场，不满指责司机，“你做咩咁讲我个女呀”，女乘客语带温柔地劝交，“冇嘢呀，冇嘢呀，阿Sir，对唔住”。

第3段影片，女乘客面对男警前来询问竟上演“苦情戏”，哭泣道“我想讲我日日都系call车㗎啰，你可以check任何1个的士台，我每1个月系搭1万蚊的士㗎”、“你每1个月可以揾边个叫做黎小姐，冇任何1个的士台唔识我啰”、“我好多钱呀”、“每1个月我搭万几蚊的士呀，我有1个固定嘅职业，我日日都搭的士出入，我唔系今日先撞着呢个瘟神”。

随后女警安慰及劝导女乘客“认真嘅，香港好多的士司机，佢唔认识妳亦都好正常，啱唔啱？佢亦都唔会查每1个乘客系咪坐万几蚊的士嘅，明唔明？”，并叮嘱随后到场的女乘客爸爸付钱。此时女乘客不满道“仲要畀佢呀？”，女警指出“你都未畀钱”，女乘客不屑地“哼”了1声，更边下车边向司机爆粗，诅咒“转头撞车死”。

网民留言批评，“唔戴口罩应该罚钱啦！一个月搭万几蚊的士好劲咩！”、“咩年代呀，大把支付工具啦”、“以后见到流水响order要小心”、“想喊博同情？咩年代？”、“条女见警察即变晒面扮惨，唔去做茄喱啡嘥咗”、“见佢咁嘅状态，madam应该要搜下袋，可能有嘢发现”、“成条片最清楚就系爆粗𠮶几句”、“把口毒X到呀，落咗车最尾叫司机撞车死”、“点解佢觉得最后都系应该唔使畀钱？呢个系重中之重㖞”。