交友APP遇腹肌型男　约会遭呃饭食呃睇戏　港女嬲爆斥：豪畀乞衣

玩交友APP要带眼识人，小心被人骗财又骗心！有港女发帖公审一位透过交友APP认识的男生，指两人早前约会食饭及看电影，本来说好女方请吃饭，男方请睇戏，但男生以多个借口避开付钱，最后全数310元都是由女方支付，事后追数不果，因而怒骂“男人老狗交友APP约女出街呃饭食、呃戏睇”、“我豪畀乞衣啦”。

该名女生在连登讨论区，以“男人老狗交友app约女出街呃饭食呃戏睇，好唔好意思”为题发帖，指10月头相约了一名透过交友APP认识的男生吃饭看戏，“餐饭食咗$140，讲好咗我请食饭佢请睇戏，一人请一样”，而男生的IG图显示为一排腹肌，而且有600多名粉丝。

惟到达戏院时，男生表示没有信用卡，楼主遂先“碌卡”缴付戏飞钱，此时男生再表示身上只有两张100元纸币，“问我有冇30蚊找畀佢，我话我冇现金喺身，叫佢Payme俾番我”，但男生又指“喺街用唔到Payme要返屋企先”。

不过，回家后两人都没有提起此事，楼主亦不打算再见他，但她将事件告知友人却“愈谂愈唔gur（不忿气）”，遂传讯息要求对方还钱，男生则回应指，“我话下次见面请番你，但你都唔想见我，点请你”。当楼主坚持透过Payme收款，对方继续厚面皮推却，其后称自己张戏票是学生价，“睇戏飞钱$60咋㖞，何来的$170”，令她更加气愤怒骂：“你男人老狗cheap到咁好唔好意思，你份工专呃饭食呃戏睇？今日𠮶2餐饭又呃咗几钱？60蚊我豪畀乞衣啦！170我都当豪俾狗”。

点击看女生追数过程：

女网民表示，其友人“睇唔过眼”直接在Instagram私讯该男生，对方竟厚颜无耻表示“通常啲女追我多，你咪系其中一个，自愿请我”，友人不禁揶揄“百七蚊都畀唔起，你咁X原面皮真系应得嘅，凭你本事呃返嚟”。

帖文引起网上热议，很多网民都同情楼主遇人不淑，“唔俾钱仲要咁寸”、“楼主唔好彩俾腹肌图呃咗”，又批评该男生的行为确实非常寒酸，“今次条仔又真系肉酸啲，无讲明都话 讲到明都咁”、“日日约女食饭话返屋企Payme咪可以日日呃饭食”、“好羞家，媾女要AA已经XX地，仲要女仔请埋要人开口追，咪X媾啦毒X”。有经验网民则奉劝楼主，“数绝对唔好过夜，哩啲大种乞儿话有$200，你应该拎咗先，Payme番佢”。

但亦有人质疑如果男女角色调转，大家就不当一回事，“男女掉番转实俾人XX死”、“咁老学人沟后生仔，仲好意思收返钱，调返转系个30岁男人问个16岁收钱俾人XX咗”。