离谱！Benz违泊铜锣湾马路　塞住电车过唔到　网民：后面唔识扭軚

整条路都被你“搞弯晒”啦！1张私家车违泊照片在社交平台流传，只见1部平治（Benz）违例停泊在铜锣湾路旁，导致后方电车未有足够空间通过而被阻塞，不少网民都大骂私家车司机自私，又揶揄称“你违泊个位置就系咁啱后面部车唔识扭軚”。

有网民于周五（28日）凌晨在facebook群组上载有关照片，显示1部平治在晚间时分停泊在铜锣湾三C木球会对出马路，当时有电车由礼顿道驶入黄泥涌道，疑因不够空位驶过遂停在平治后方，不过帖文未有交代最后如何处理。

帖文上载不足10小时已有过千人给予表情符号，很多人都批评平治司机做法过份，“泊完落车都唔睇下其他车够唔够过”、“好癫。点解可以咁都做得出”、“好多不假思索嘅违泊X，而家愈嚟愈放肆”、“应该系隔篱酒店食紧buffet（自助餐）”。有网民抵死反讽称“咩啫? 你电车扭一扭左軚、扒一扒佢头咪得啰”、“叮叮错，一定系！作为一架车竟然唔识扭軚”。