老婆指基层先弹结他反对阿仔学　盼学单簧管上大场面　人夫斥哽耳

学乐器能够陶冶性情，应为兴趣而学，不应本末倒置以入学加分为目的。有人夫于讨论区发文大呻，老婆很着重儿子要赢在起跑线上，日前一家人于街上见到有人弹结他唱歌，儿子觉得“好型”，于是他提议学结他，怎料回家后老婆认真讨论指“结他而家系基层先会学”，不能帮助入学，提议安排学单簧管，“呢啲睇落去比较上得大场面”。他大感无奈地说，“我当年弹结他佢明明话好charm（有魅力）好正，点解而家会变咗基层先学”。

该名人夫于香港讨论区以“老婆话学结他好基层，唔畀阿仔学”为题发文表示，大家都知道现时的小朋友要懂得很多事物，参加不同兴趣班，他的儿子除了学画画外，早前老婆亦安排学剑道。他一直觉得小朋友能够快乐成长更重要，“但系老婆好坚持唔可以输喺起跑线上”。

他指出，日前一家三口逛街时看到有人弹结他唱歌，儿子觉得“人哋好型”，于是他提议迟些安排学结他，当时老婆没说什么。惟回家后，老婆于睡前很认真地说不想让儿子学结他，“话结他而家系基层先会学，唔想畀钱人就自己去上YouTube学𠮶啲乐器，帮唔到阿仔入学”。老婆提议安排学可上大场面的单簧管，他直言“听落去其实好哽耳”，叹道“女人变咗中女之后，系咪都会咁样跳晒掣，唔讲理性”。

网民留言指出，“你老婆对乐器认知太肤浅”、“有钱人嘅生活唔系你老婆谂到咁。小朋友难得有嘢想学，而父母唔support（支持）就真系大错特错，离上流越来越远”、“坦白讲，除非系想入啲超级名校，学什么乐器对入学唔会有影响的！”、“结他好基层？传统结他玩熟后可以玩电子结他，夹band”、“好基层？我女之前读国际学校，啲同学都系随心地学呢啲普通乐器多㖞”、“最紧要佢有兴趣学，学啲唔钟意的，小朋友唔会有心机练”。

也有网民认为应顺从老婆意思，“你老婆好有道理！唔想家变，听老婆讲，系唯一生路。你都唔想个仔咁细就要独自生活㗎？”、“我都系一位爸爸，有两个读直资小学嘅仔，在呢度分享一下。我觉得咩乐器学得叻都好有型，但系如果你老婆唔系咁嘅谂法，咁你都系由得佢喇，否则就此家无宁日，以后有咩唔如意嘅事发生喺个仔身上，佢都会濑落你度。以后你就经常会听到：‘都话咗𠮶时唔好畀个仔学结他㗎喇！XXXXXX，下删一千字’”。