畏高有罪？港男玩完迪士尼过山车好头晕　女友狂闹废“嬲到走咗”

男生就一定喜欢玩过山车？有港男在网上发文，称到主题乐园游玩时，有畏高问题仍被女友迫玩机动游戏，“一直求我又氹我，咁唯有陪佢玩咗个space mountain（飞越太空山，现已改名作《战极速穿梭》）”，一玩完已头晕晕，女友要意犹未尽要求玩其他机动游戏，他重申玩不了，结果不停被女友闹“废”，最后女友一气下自行离去，联络她亦不回复。有网民建议他先低头氹回女友再作解释，但有人就认为他不应道歉。

玩不了过山车有错吗？有港男在Dcard讨论区发文，问“其实惊坐过山车系咪好大罪”，他日前放假陪女友入迪士尼游玩，“本身我都有畏高，而且对呢啲机动游戏麻麻”，但女友是“无刺激不欢嘅人”。

初时女友叫他一起玩机动游戏时，“开头我话唔想玩，不过佢之后一直求我又氹我，咁唯有陪佢玩咗个space mountain”，玩完后他马上头晕晕，女友却玩得兴起“想叫我去玩埋u型，山谷…”，他再重申不敢再玩，结果被女友不停闹“废”。

楼主抱怨说“又唔系得我咁”，未料女友一气下竟自行离去，“得返我一个喺迪士尼入面”，他随后用IG、WhatsApp找女友，通通得不到回应，楼主大感无奈，但又不想道歉，“我觉得自己冇错”，疑问到底是否大部分男生都喜欢玩过山车，问网民意见。

帖文引来热议，不少男网民同样怕玩机动游戏，“我认我废，惊离心力”，到主题乐园都是帮女友拍照为主，又有人说不怕机动游戏而系惊鬼屋，“唔去玩哈啰喂成日畀人笑无胆”，但去到后会手震又心跳，行多两步都晕𠮶种。

有留言认为“其实佢明知你唔玩仲要你上去已经唔好啦”，下次应该要讲明到主题乐园有什么项目玩、什么项目不玩，“等佢有心理准备，买嘢食之类氹下佢，但如果佢态度依然，就佢衰”。现在情况只能说“两边打和”，陪女友去但她却要自己一个玩机动游戏，佢知你惊又要拉埋一齐坐，“但系佢就咁走咗系hurt啲嘅”，提议下次一班人去。

有网民认为应先氹回女友，再陪她玩多一次过山车，建议玩灰熊山谷“系最弱𠮶个过山车嚟”，一下车后即刻扮晕倒地上，一定不敢再迫玩过山车，“认为系佢错，佢就会好内疚，然后有一排就对你好好，无乱发脾气”。但有部分网民认为女友是无理取闹，“咁佢畏高玩唔到边个就到佢”，“唔觉得你做错啲咩，如果系我一定唔会道歉”。

（Dcard）