老婆唔知！人夫炒股$30万输剩几万　爆粗：股票咁X街，系咪造马？

投资前要先做足功课，除了要量力而为，亦切勿随波逐流听信朋友“贴士”是常识吧？人气YouTuber熊仔头日前上载最新短片，他乘的士时遇上投资失利的司机，2人对答道出香港股民心声，金句连连引起网民热议，形容是“股民血泪史”。该名司机表示被朋友“老点”，用全副30万元身家投资股票，入手比亚迪股份（1211）及其他股票，没料到股价不断下跌，身家蚀至只剩数万元，他完全不敢让老婆知道落得如斯田地，直言“从来都未赢过呀，我依家输到入肉啰”，又质疑“股票咁X街，系咪造马？”。司机投资股票的血泪史引起股民共鸣，大呼“全香港人心声”、“闻者伤心，听者流泪”、“10个股民9个输”，又大赞熊仔头的影片高质，大赞“呢条片其实好有教育意义”。

熊仔头昨日（3日）上传题为“【熊馆番外篇】输到爆粗的士司机 血泪史：‘老婆唔知输左成副身家！’”的影片，片中的司机边驾车边与熊仔头交谈，诉苦大叹买股票输身家，“总之真系一言难尽”。司机称，早前朋友推介他入手比亚迪股票，“同我分析咗好耐，疫情之下佢升得最犀利，唔会跌㗎”，建议可于每股260元价位时购入，他深信朋友下用大笔金钱入手，没料到近期比亚迪股价大跌，跌穿200元至190多元。司机损手烂脚后还被朋友指“搭沉船”，他不满地说“你话系咪赌仔姓赖”。

司机气愤地指该名朋友已非第1次点错路，有次他经推介下买银行股收息，没料到只是派少少息，但股价劲跌。他看透世事地指出，“买几多钱都死硬，最惨个只4个几跌到3个几”，然后朋友不断提议趁低吸纳，“系咁叫我好低㗎啦，唔会再跌㗎啦”，结果愈买股价愈低，“低极都仲跌紧呀，低处未算低啰”。

司机直言，“跌到个人惊㗎，我跌到渣都冇个㖞就嚟”、“我一讲起股票，我真系依家做嘢都冇乜心机”，甚至质疑“股票咁X街，系咪造马？”，又慨叹之后不敢再投资股票，且坦言已没有钱，“冇啦冇啦，我啲积蓄俾晒佢啦”，30多万元本金蚀至只余数万元。

司机表示，老婆知道他有买少量股票，但“冇谂住我瞓身嘅”，叹道“我都唔够胆俾我老婆知，我系咁补仓呀”。他说，老婆亦察觉到他近日有不妥，问“点解你呢排好似有啲心事咁？”，他只能谎称“冇！攰得制啫”，又怕如果家中突然需要金钱，他就不知如何是好。

与一众散户心声雷同，司机叹谓，“从来都未赢过呀，我依家输到入肉啰，输到……输到……真系唔知点，个几万蚊扑极都系跌”，甚至指去澳门赌钱更好，“哗，呢边唔系㖞，吸血鬼嚟㗎”，最后更唏嘘地说自己其实并非全职的士司机，只因在投资失利，于是驾驶的士赚取外快帮补。

影片引起热议，上载了22小时就吸引逾22万人次观看，网民留言指出熊仔影片高质兼有教育意义，“百份百道出股民心声呀，真系输到一壳眼泪”、“其实个个香港人都系咁，好彩遇到人同佢倾，俾佢抒发下”、“真系想同司机大佬讲声：‘大家咁话’”、“全部人都输，除咗沈大师，财演圈熊仔头跟得几贴”、“马会仲抵玩，股票is scam（骗局）”、“10个炒港股9个都输，跌咗N咁多个月”、“股票市场不嬲都系大户揾食地方，不过总有好多人觉得自己系聪明仔可以分一杯羹，然而大部分都只系输钱”、“前排顶唔顺清咗仓，而家拎住现金感觉好实在”。