贿赂？大学生走堂返兼职　教授嚟购物竟提1条件利诱　换课程合格

为人师表竟“提醒”学生可以贿赂自己？有大学生于讨论区发文，称日前做兼职时巧遇1名顾客是其大学教授，“好衰唔衰”他经常于这名教授的课程“走堂”，留下了坏学生印象，当时教授认出他，嘲讽道“唔怪得成日走堂啦，原来要做part time”。数日后，教授又来购物，还提出交易条件，“如果我有折畀佢，咁下年如果我走堂佢都会睇住我”，令他十分纠结。

楼主于香港讨论区以“返part time遇到个客系我大学教授”为题发文表示，现时正值放暑假，所以多了时间做兼职，而他的工作有时需要“sell客”。日前他刚好遇到学校教授购物，“好衰唔衰我唯一一科唔合格就系依个教授教𠮶科，虽然补交份功课之后低空飞过，不过个教授之前有话，如果下年我仲系成日走堂，就唔会俾我合格”。

楼主原想“搏佢唔认得我”，讵料教授认到他，嘲讽道“唔怪得成日走堂啦，原来要做part time”。其他同事见两人相识没走过来帮忙，“成程教授喺到单打我，话我要揾钱就唔好读书”。

他叹道，“唉，以为早几日撞到佢系我唔好彩”，没想到数日后教授再来购物，还提出”交易条件”，“如果我有折畀佢，咁下年如果我走堂佢都会睇住我”。他大叹折扣问题不是自己能决定，“唔理佢如果下年佢真系唔俾我合格咁点算？”，“我又唔系成日走堂，咁都要威胁我”，批评“嚟搲折都唔面红，仲咁理直气壮”。

网民留言表示，应反问教授是否“怂恿你受贿？”、“佢依家明示你对佢行贿，如果你因为咁样畀着数佢，就有利益输送关系”、“偷拍佢屈你畀折”、“大学教授收入唔低㗎㖞，买啲咩要搲折咁庹缩？”。不过有网民认为不必理会教授的说话，大学生做兼职行得正企得正，读书只要“靠自己”就不必对方特别照顾，何况对方提出的是“旁门左道”。