MIRROR演唱会｜镜粉老婆要求完场接送　老公拒被当工具人下场惨了

人气男团MIRROR的12场演唱会正举行，大批“镜粉”晚晚蜂拥至红馆观看。有“前夫”于讨论区发文表示，日前晚上“镜粉”老婆看完MIRROR演唱会后，要求他到红馆接回家，称“镜粉”朋友们也有老公接送，他不满拒绝，声言要“振一振夫纲”、“攞返个主导权”，慨叹“老公=合法工具人”。结果当晚老婆自行召优步（Uber）回家，他被责骂及被要求睡在客厅，不过他不感难过，笑说“不知几爽，开住厅部冷气瞓”。

该名“前夫”于香港讨论区以“老婆真系痴上脑，叫我等佢今晚睇完演唱会去接佢”为题发文表示，月初老婆已经吩咐他帮忙买蛋糕，让她可以连同“教主”（MIRROR成员Anson Lo，卢瀚霆）纸牌一起拍照庆祝“教主诞”，日前晚上老婆又当他“工具人”，要求他于MIRROR演唱会结束后，到红馆接送回家。他不满地说，“我收工冇地方去，一早返屋企食饭冲凉打机啦，仲想我差唔多成12点去接你返屋企”。

老婆指出，“镜粉”朋友们看完演唱会后也有老公接送，“问返我系咪唔爱佢，所以唔接佢”。他即时“火起”怒斥“咁惊危险唔好出夜街唔好睇演唱会啰，咁大个人有手有脚有卡，夜惊冇车你咪自己call Uber啰，唔通畀张卡你净系畀你用嚟买周边咩！仲话佢啲朋友睇完演唱会有老公接，我够话人哋老婆温柔体贴善解人意啦，又唔见你会咁做！”。他表示，老婆用他的信用卡买门票，却没买多张让他也可以一起看，而是与姊妹一起，“乜鬼嘢少女心㖞，唔预只佬，但又想老公接”。

他继续怒骂“自己搭的士call Uber啦，当自己小学生要接放学咩，又话我系前夫，仲想我去接佢，唔叫佢现任老公接佢？”。他又说，以前老婆只是将MIRROR“当明星咁睇”，他觉得没问题就让老婆看，惟后来愈来愈过分，例如用很多钱买小公仔、不上班去拍照打卡，“我生日佢都冇做咁多嘢同我庆祝呀！”，他曾与老婆认真及以说笑形式讨论过这个问题，但老婆却说“佢追星好过佢真系出轨去勾佬㖞”。

他呷醋道“有时睇下FB、IG啲靓女，俾老婆发现都闹到我癫，佢就可以日日睇镜仔，仲要set埋做wallpaper，我又唔闹得佢！”。结果当晚老婆自行召优步（Uber）回家，他被责骂及被要求睡在客厅，不过他不感难过，笑说“不知几爽，开住厅部冷气瞓”，但亦提到虽然被当工具人真的很生气，惟老婆自己一人夜归家他会担心，“唔接佢还唔接佢，都有等佢平安返到屋企，等佢冲埋凉先瞓”。

网民留言表示，“应该接，出事后悔终生，她唔系晚晚睇演唱会”、“睇完演唱会好夜㗎，你老婆唔惊都唔会叫你去接佢啦”、“老婆咁夜返，你唔会担心佢安全咩，身为男人应该保护老婆，咪咁斤斤计较啦”、“我未结婚都觉得你傻，打机梗唔及老婆重要，如果唔系好攰，同老婆食下糖水都系一件快乐事”、“老婆系自己拣的，佢嘅优点同缺点都要包容，佢嘅嗜好如果不是坏事就容她吧，不要为一些小节而伤害大家感情”、“好多香港女仔钟意比较，经常用身边姊妹嘅男友/老公作为标准，人有我有”。