酷热天气｜爱民邨公屋单位装4部分体冷气机　网民：真系咁热咩？

近日天气持续炎热，每日都达34度高温。有何文田街坊发现，爱民邨有单位安装了4部分体式冷气机，不禁好奇“爱民邨真系咁热？”，但有网民就猜测可能另有用途！

有网民在facebook群组“何文田街坊”上载两张照片，只见爱民邨2个不同单位外，分别安装了3至4部冷气机，忍不住问“纯好奇问下，请问爱民村真系咁热，热到要装3-4部冷气咁多咩？”。

照片引起网上热议，有网民都表示夸张，“我成日坐8号小巴经过见到都唔明，点解户户都装咁多部分体，单位面积顶多都系400多呎，有需要装咁多咩？”、“爱民得𠮶二三百呎，四部冷气？佢里面要维持室温摄氏5度？”。更有人怀疑是否有其他用途，“入面系矿场？”、“养咗啲怕热宠物”、“系咪做咗冻仓？雪冻肉或者日本水果”、“㓥开出租了？”。

不过有人则认为楼主大惊小怪，“每间房一部？”、“大单位正常都3部，如果间咗个厅就4部”，亦有街坊认真解答，“康文楼大单位梗房都两个，咁可能佢再间多啲房，一间房一部分体”、“另一个问题系，佢𠮶个位置可能系西斜，由朝晒到晚，晒到正都几热㗎”。