单身3年未想拍拖　母劝雪卵怕日后难生育　28岁女：睇死我冇人要

都市人愈来愈迟婚生育，但传统一辈始终认为“有仔趁嫩生”，有女网民分享指，今年28岁单身了至少3年，近日被妈妈和亲戚力劝在30岁前“雪卵”，以待结婚后取用，“唔使惊质素唔好，难有BB”，因而令她感无奈，“单身女仔唔结婚唔生小朋友有咩问题？睇死我冇人要？”。

该女网民在香港讨论区以“有仔趁嫩生？亲戚问我会唔会趁后生去冻卵先”为题，指今年28岁的她单身了3年多，因“唔想为拍拖而拍拖”，加上对生小朋友没有渴望，“就算去领养都得”。不过亲戚及妈妈比她自己更着急，着她考虑一下冷藏卵子，“有亲戚问我阿妈要唔要带我趁未到3字头去冻卵先？”，以待婚后有需要时可取用，避免到时卵子质素不好难生育。

楼主补充指，姨妈数年前已向其母提出冻卵一事，惟妈妈认为她当时年纪还轻，不需要担心，但“阿妈见我冇咩意欲识男仔，又见到啲姨妈开始凑孙，佢都想我有个孙畀佢玩下”，才问她会否考虑。不过，楼主对“雪卵”的建议非常反感，认为女士单身不结婚又不生育不是问题，即使拍拖亦可以不结婚，“只要对方对我好仲唔够咩？问我会唔会考虑做冻卵先，做咩呀？睇死我冇人要？”。

帖文引起网上热议，不少网民都认为“雪卵”是“劳民伤财”之选，“要打十几日针，仲要系自己喺屋企打，到医生觉得可以就再去抽，过程亦唔系舒服，然后签约冻卵，万万声，仲要可能两年续一次”，因而奉劝楼主“不如的起心肝快啲揾个好男人结婚，早啲生仔好过啦”、“有仔真系趁嫩生，除非你唔想生”。

有人亦认为28岁“唔系好大”，还有时间计划结婚生育，而且生小朋友是很个人的事，“你自己唔系特别想要bb，就唔使理其他人点睇”；有网民则指如果有经济能力，雪卵都是好选择，“用唔用可以迟啲决定”。