咁都收钱？问同事借叉电线被索20元　打工仔嬲爆：买条新无咁嬲！

正所谓助人为快乐之本，同事间互相帮忙借用小工具也是常事吧？惟有打工仔于讨论区发文表示，日前她的充电线疑似坏掉，于是问同事借充电线想测试是线坏掉还是手机充电出现问题，怎料同事称如要借用就需付20元租线费，更称“你出街电话冇电都会畀钱租尿袋用啦，问我借线畀返钱我都好合理！”。她感到十分错愕，最终没有屈服付钱，直言“食饭时间自己出去买过条无咁嬲”。

该名打工仔于香港讨论区以“问同事借叉电线，佢问我收返钱”为题发文指出，一直很少与该名同事交流，最多只会说早晨和再见，日前她问对方借充电线时，对方的线原本并非使用中，“一听到我话要借佢条线就拎部电话去叉电”，她无奈道“其实我只系想试系条线坏定系我部电话叉唔到电，只系借嚟用一下佢都咁”。

她忆述当时同事称“你想借我条线，咁你畀返租线钱我呀，你出街电话冇电都会畀钱租尿袋用啦，问我借线畀返钱我都好合理！”。她不满地说，同事要求借1次须付20元，“仲贵过我出去租尿袋用，嬲嬲地连借都唔借”，又指出“借嘢用我又唔系死霸住唔还，咁都要收钱，佢真系好有生意头脑啰”。

不少网民批评楼主同事做人处事有问题，“你同事好难有朋友”、“你同事做人处世好有问题”、“我都情愿出去买，奇葩同事，佢有事你都唔好帮佢，他朝君体也相同”、“同呢啲算到尽嘅人做同事就系惨”、“但个同事用公司电力充电 ，系唔系人工扣番电费”。不过，亦有网民猜测是否有前因后果，“你之前有冇对过佢唔好先？如果冇应该就系佢个人问题”、“会唔会自己人缘差？”、“之前有牙齿印？”、“因为你纪录唔好，有借冇还，所以唔想借畀你”。

楼主回复网民质疑指出，该名同事平日不多与人聊天，“平时佢唔理人，食饭又自己一个食”、“宁愿OT都唔会叫人帮佢手”，而该同事坐得最近她，所以才问对方借，又强调并非想借来用足一天，会很快归还。