港妈教小二仔整蛋糕做家务　分享妈妈群被闹：咁细个筛面粉肺有事

教育子女有千百种方法，对错与否并不能妄下定论。有名港妈于网上发文表示，儿子今年读小二，她早前于妈妈通讯群组分享与儿子一同制作蛋糕的照片，却被1名妈妈指斥“咁细个畀小朋友筛面粉，会搞到佢肺有事㖞”，让她大感无奈，嘲讽“出街够多尘，你唔困住个细路喺屋企？”。她又说，再有次她于群组分享儿子读幼稚园2年级起，她会教导做些简单的家务，如折衣服、洗碗等，却被其他妈妈批评“小学已经咁多功课，仲叫佢做家务，做死佢呀？”，她无奈道：“难道只系兴趣班先系有益，做家务系累死个仔吗？”

港妈投稿至fb专页“生仔要考牌系列”表示，她早前于妈妈通讯群组分享与儿子一同制作蛋糕的照片，其中1张照片是儿子筛面粉及将生果切粒，却引起了一众妈妈议论，除有人批评筛面粉会令小朋友肺有事，亦有妈妈批评“咁早畀佢拎刀，迟早会队亲佢呀”。她大呼“大佬呀！唔好咁黐线啦”，指出1个月才与儿子制作一两次甜品，亦并非每次也会用面粉，而儿子所用的刀是儿童专用胶刀，“队唔死，又锯唔伤，仲钝过你棚牙呀！”。

她又分享1件更“激气”的事，她曾于群组提到儿子读幼稚园2年级起，她会教导做些简单的家务，如晾晒、收及折衣服、扫地、收及洗碗等，几名妈妈立即指责“畀佢学系借口，实质系自己可以唔使做家务，咩都队晒畀个仔”、“小朋友唔使咁早学，大个啲上中学先教都冇问题”、“小学已经咁多功课，仲叫佢做家务，做死佢呀？”。

她指出，家务人人有份，她与老公下班后都会做家务，“每人负责少少好过分咩？我冇队晒畀佢做㖞”，又认为若到儿子读中学才教做家务，“你仲踢得郁佢先讲啦，你觉得佢呢个年纪会唔会听你支笛？”。

对于小学多功课的问题，她表示不会分很多家务给儿子做，基本是每天吃完饭后帮忙收碗及洗少许碗、折好自己的衣服、星期六或日帮忙一起扫地。她认为“小学多功课，咁系咪一年365日都咁忙？”，反斥一些家长既然口说多功课又忙，却星期一至五都带小朋友学拉丁舞、非洲鼓、拼音班、踢足球、画画，星期六日才可休息，反问“兴趣班（计埋来回时间）同每日净系折衫、收碗、洗碗，边样用嘅时间多啲？难道只系兴趣班先系有益，做家务系累死个仔吗？（利申：我仔净系学琴）”。

由于与其他妈妈价值观不同，她直言“我早就退出咗个群组十世啦，做好自己算，我都唔知呢个年代究竟我先系怪兽家长，定佢哋先系”。

不少网民认同楼主做法，表示“屋企个个都有份，当然要学做家务，叽叽趷趷𠮶堆根本就系自己都要工人凑嘅巨婴，呢啲智障群组都系少入为妙，会拖低自己智商”、“𠮶班老母就算数啦，佢哋净系识培育港孩”、“我觉得小朋友由细开始学做家务系好事，唔通好似依家啲十几岁咁，除咗打机，乜都唔识好咩”、“有兴趣班嘅话我会掉佢野外求生添”、“香港啲怪兽家长坚好好笑，叫佢哋睇下MasterChef Junior，人哋小学生已经煮嘢劲过大人”。