坐港铁被女仔狂顶肚腩　胖港男：可否叫非礼？网民反斥肥人不应坐

【东铁／港铁】车厢座位挤迫，乘客间不时会互相碰撞。近日有港男于讨论区发文，指坐港铁9卡列车时，不断被邻座的女子用手肘顶到肚腩，累他无法专心睡觉，无奈问道：“如果我系女仔，佢系男仔，我系咪可以大叫非礼？”帖文引来热议，不少网民笑言楼主应该“减肥”，更有多个网民直指“肥真系唔应该坐呀”，更认为“肥人应畀多啲钱”。

该港男于香港讨论区以“[男人之苦]坐车隔篱位个女仔系咁用手肘顶我个肚腩”为题发文，指日前晚上搭港铁9卡列车时，有女子坐在他的隔篱位，“为咗保护自己，我立即缩埋啲坐，费事话我掂到佢”。

惟不久后楼主感到肚腩被人用手肘“掂”了一下，“望一望原来系女仔喺度揾嘢，所以唔小心手肘掂咗我肚腩一下，谂住由佢，我继续瞓觉”。没想到该女子全程车都用手肘顶到楼主肚腩，令他无法专心睡觉，无奈感叹：“我喺度谂，如果我系女仔，佢系男仔，我系咪可以大叫非礼？点解男女咁唔公平？”

帖文引来网民热议，大部份都留言叫楼主减肥，“相对论：你个肚腩顶佢手肘”、“减肥啦”、“检讨下个大肚腩”、“咁大个肚？笑死”、“当你个肚腩系咕𠱸”。更有网民直指肥人不应该坐下，甚至应该多付车费，“似乎你好肥㖞，肥真系唔应该坐呀，你一个坐晒两个位咁济，要坐就减肥先啦唔该”、“你唔检讨下自己顶到人𠮶下先好嘢，大家畀咁多车费，你占埋人哋空间哦！肥人应畀多啲钱”。

也有网民认为楼主当下应该向女子表达问题，“如果系我，我相信我会同佢讲小姐你撞咗我好多次”、“系你自己唔出声”、“若不想瓜田李下，应该起身不坐”、“其实你也可大叫非礼”、“现今法律应该没分性别，可以讲是性骚扰”。但亦有网民认为事件太夸张，质疑是否真有其事，“咪老作”。