拍拖时常遭男友妈借词急call破坏约会　港女嬲爆：冇听过狼来了？

狼来了是家传户晓的寓言故事，教训人不应说谎。有港女近日就遇上现实版狼来了，指与男友拍拖以来，对方妈妈疑不喜欢她，常常趁两人约会时以各种理由“急call”要求男友返家，惟每次实况也与理由不符，令她感到愤怒又委屈，同时为男友虚惊多次感到不值，不禁怒斥：“auntie你唔钟意我咪讲，使唔使下下都破坏我哋约会，下下都咁样呃个仔返嚟？”

“真系顶唔顺喇，已经唔系第一次！”该名港女于Dcard讨论区发文，指男友的妈妈有奇怪习惯，常常趁两人外出约会时，突然致电“急call佢个宝贝仔返屋企”，质疑对方因不喜欢自己而刻意破坏约会。

楼主指，男友妈妈每次致电的理由也不同，如曾称与友人在外打牌，但家中正在煲汤忘了熄火，要求儿子赶回家避免发生意外；又曾试过于两人看电影时来电，表示“胃痛到缩埋一嚿，喺地下飙紧冷汗”，声音更“震晒”，两人担心之下即时赶回家，却发现男友妈妈竟“行得走得坐咗喺梳化睇电视食花生，真系食紧一粒粒花生”。

至早前楼主与男友到酒店staycation（宅度假），“系夹咗两个月，两个人终于忙完，完sem出去玩嘅大好日子”，男友妈妈又再致电，称接种疫苗后感到胸口疼痛不适，担心是心肌炎或其他副作用，“佢打嚟同佢个仔喊住口咁话自己好惊，会唔会因为心肌炎就冇命”。身为独生子的男友顿感担心，两人放弃玩乐回家了解，没料再次“被骗”。

“点知呢，你估下auntie今次点样迎接我哋？”楼主指与男友回家后，男友妈妈施施然表示，当日在新界买了男友儿时最喜欢的糖水，“叫佢快啲埋位食，系啊系冇我份㗎”。她形容当下愤怒又委屈，“净系可以紧紧捏住自己个拳头，唔系嬲我男朋友，系嬲佢阿妈次次都咁样耍我哋”。她又称非常欣赏男友孝顺的性格，却又心痛对方每次也被妈妈“吓到失晒魂”，直指男友妈妈行为犹如现实版狼来了，“下下都咁样呃个仔返嚟，揾次真系出事，但系你信用已经破产嘅话，我都戥你可惜啊”。

帖文令网民哗然，不少人批评男友妈妈行为过分，利用儿子的关心介入感情，“都明呢啲算系生死关头，如果唔信真系出事又会后悔，不过真系冇理由次次都返去，仲要撞正次次都系你哋拍拖”、“只能话你男朋友都好惨，被人用呢啲咁偏激嘅理由叫返屋企，换作系我都好难唔紧张”。不过也有网民指出，若类似情况多次发生，男友有责任当中间人与妈妈沟通，“都咁多次佢都唔知咩事唔做中间人缓和下？定做咗都冇用？系时候适当畀啲压力佢啦”、“你男朋友有责任去说服佢妈唔好咁做，去维护你，说服佢妈接受你”。